7-8. сан̃четаникасуттадвайаван̣н̣ана̄

217-218. саттаме сан̃четаника̄нанти чететва̄ пакаппетва̄ ката̄нам̣. упачита̄нанти чита̄нам̣ вад̣д̣хита̄нам̣. аппат̣исам̣ведитва̄ти тесам̣ камма̄нам̣ випа̄кам̣ аведийитва̄. бйантӣбха̄ванти вигатантабха̄вам̣ тесам̣ камма̄нам̣ париччхедапариват̣умата̄каран̣ам̣. тан̃ча кхо дит̣т̣хева дхаммети тан̃ча кхо випа̄кам̣ дит̣т̣хадхаммаведанӣйам̣ дит̣т̣хева дхамме. упападжджанти упападжджаведанӣйам̣ анантаре аттабха̄ве. апаре ва̄ парийа̄йети апарапарийа̄йаведанӣйам̣ пана сам̣са̄раппаватте сати сахассимепи аттабха̄вети. имина̄ идам̣ дассети ‘‘сам̣са̄раппаватте пат̣иладдхавипа̄ка̄рахакамме на виджджати со джагатиппадесо, йаттха т̣хито муччеййа па̄пакамма̄’’ти. тивидха̄ти типпака̄ра̄. ка̄йакаммантасандосабйа̄паттӣти ка̄йакаммантасан̇кха̄та̄ випатти. имина̄ найена саббапада̄ни ведитабба̄ни. ат̣т̣хаме апан̣н̣ако ман̣ӣти самантато чатурассо па̄сако.