4. ваджджийама̄хитасуттаван̣н̣ана̄

94. чатуттхе ваджджийама̄хитоти евам̣на̄мако. саббам̣ тапанти саббамева дуккарака̄рикам̣. саббам̣ тапассинти саббам̣ тапанисситакам̣. лӯкха̄джӣвинти дуккарака̄рикаджӣвика̄нуйогам̣ ануйуттам̣. га̄райханти гарахитаббайуттакам̣. пасам̣сийанти пасам̣ситаббайуттакам̣. венайикоти сайам̣ авинӣто ан̃н̃ехи винетаббо. апан̃н̃аттикоти на кин̃чи пан̃н̃а̄петум̣ саккоти. атха ва̄ венайикоти саттавина̄сако. апан̃н̃аттикоти апаччаккхам̣ нибба̄нам̣ пан̃н̃а̄пети, сайам̣ката̄дӣсу кин̃чи пан̃н̃а̄петум̣ на саккоти. на со бхагава̄ венайикоти со бхагава̄ евам̣ йа̄тха̄вато н̃атва̄ кусала̄кусалам̣ пан̃н̃а̄пенто на ан̃н̃ена винетаббо на ан̃н̃асиккхито. йе ча дхамме упа̄да̄йа сатто пан̃н̃а̄пийати, тесам̣ пан̃н̃а̄панато на саттавина̄сако, сувинӣто сусиккхито саттавина̄йакоти аттхо. тасса ча пан̃н̃аттийо сапан̃н̃аттийойева̄ти дассети. вимуттим̣ вимуччато акусала̄ дхамма̄ти миччха̄дит̣т̣хисан̇кха̄там̣ читтасса адхимуттим̣ адхимуччато акусала̄ дхамма̄ вад̣д̣ханти на̄ма, там̣ сандха̄йетам̣ вуттам̣. са̄сане пана читтасса вимуттисан̇кха̄то вимутти кусала̄нам̣йева паччайо хоти.