4. адантаваггаван̣н̣ана̄

31. чатуттхасса пат̣хаме адантанти сависеванам̣ адантахаттхиасса̄дисадисам̣. читтанти ват̣т̣авасена уппанначиттамева.

32. дутийе дантанти ниббисеванам̣ дантахаттхиасса̄дисадисам̣. имасмимпи суттадвайе ват̣т̣авиват̣т̣авасена уппанначиттамева катхитам̣. йатха̄ четтха, евам̣ ито паресупӣти.

33. татийе агуттанти агопитам̣ сатисам̣варарахитам̣ агуттахаттхиасса̄дисадисам̣.

34. чатуттхе гуттанти гопитам̣ ависсат̣т̣хасатисам̣варам̣ гуттахаттхиасса̄дисадисам̣.

35-36. пан̃чамачхат̣т̣ха̄ни араккхитам̣ раккхитанти падавасена буджджханака̄нам̣ аджджха̄сайена вутта̄ни. аттхо панеттха пуримасадисойева.

37-38. саттамат̣т̣хамесупи есева найо. упама̄ панеттха асам̣вутагхарадва̄ра̄дивасена ведитабба̄.

39-40. навамадасама̄ни чатӯхипи падехи йоджетва̄ вутта̄ни. имасмимпи вагге ват̣т̣авиват̣т̣амева катхитанти.

адантаваггаван̣н̣ана̄.