17. паса̄дакарадхаммаваггаван̣н̣ана̄

366. аддхамидантиа̄дӣсу аддханти екам̣са̄дхивачанаметам̣, аддха̄ идам̣ ла̄бха̄нам̣, екам̣со еса ла̄бха̄нанти вуттам̣ хоти. йадидам̣ а̄ран̃н̃икаттанти йо еса а̄ран̃н̃икабха̄во. идам̣ вуттам̣ хоти – а̄ран̃н̃икабха̄во на̄ма ла̄бха̄нам̣ екам̣со авассабха̄вита̄ на сакка̄ а̄ран̃н̃икена ла̄бхам̣ на лабхитунти. а̄ран̃н̃ико хи бхиккху ‘‘аттано аран̃н̃ава̄сасса ануччхавикам̣ карисса̄мӣ’’ти па̄пакам̣ на̄ма на кароти, атхасса ‘‘а̄ран̃н̃ико айам̣ бхиккхӯ’’ти сан̃джа̄тага̄раво маха̄джано чатупаччайена пӯджам̣ кароти. тена вуттам̣ – ‘‘аддхамидам̣, бхиккхаве, ла̄бха̄нам̣ йадидам̣ а̄ран̃н̃икатта’’нти. сесападесупи есева найо. еттха пана ба̄хусаччанти бахуссутабха̄во. тха̄вареййанти чирапаббаджитатта̄ тха̄вараппаттабха̄во. а̄каппасампада̄ти чӣвараггахан̣а̄дино а̄каппасса сампатти. парива̄расампада̄ти сучипарива̄рата̄. колапуттӣти кулапуттабха̄во. ван̣н̣апоккхарата̄ти сампаннарӯпата̄. калйа̄н̣ава̄ккаран̣ата̄ти вачанакирийа̄йа мадхурабха̄во. аппа̄ба̄дхата̄ти а̄рогйасампатти. арого хи бхиккху аттано сарӣракалйа̄н̣ата̄йа випассана̄дхуре ча гантхадхуре ча парипӯрака̄рӣ хоти, тенасса ла̄бхо уппаджджатӣти.

сол̣аса паса̄дакарадхамма̄ нит̣т̣хита̄.