(8) ат̣т̣ха невасан̃н̃ӣна̄сан̃н̃ӣва̄да̄

959. таттха катаме ат̣т̣ха невасан̃н̃ӣна̄сан̃н̃ӣва̄да̄? ‘‘рӯпӣ атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти; ‘‘арӯпӣ атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти; ‘‘рӯпӣ ча арӯпӣ ча атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти; ‘‘неварӯпӣна̄рӯпӣ атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти; ‘‘антава̄ атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти; ‘‘анантава̄ атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти; ‘‘антава̄ ча анантава̄ ча атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти; ‘‘невантава̄ на̄нантава̄ атта̄ хоти арого парам̣ маран̣а̄’’ти – невасан̃н̃ӣна̄сан̃н̃ӣти нам̣ пан̃н̃апенти. име ат̣т̣ха невасан̃н̃ӣна̄сан̃н̃ӣва̄да̄.

ат̣т̣хакам̣.