(5) тӣн̣и дуччарита̄ни

913. таттха катама̄ни тӣн̣и дуччарита̄ни? ка̄йадуччаритам̣, вачӣдуччаритам̣, манодуччаритам̣.

(ка) таттха катамам̣ ка̄йадуччаритам̣? па̄н̣а̄типа̄то, адинна̄да̄нам̣, ка̄месумиччха̄ча̄ро – идам̣ вуччати ‘‘ка̄йадуччаритам̣’’.

(кха) таттха катамам̣ вачӣдуччаритам̣? муса̄ва̄до, писун̣а̄ ва̄ча̄, пхаруса̄ ва̄ча̄, сампхаппала̄по – идам̣ вуччати ‘‘вачӣдуччаритам̣’’.

(га) таттха катамам̣ манодуччаритам̣? абхиджджха̄, бйа̄па̄до, миччха̄дит̣т̣хи – идам̣ вуччати ‘‘манодуччаритам̣’’.

(ка-га) таттха катамам̣ ка̄йадуччаритам̣? акусалам̣ ка̄йакаммам̣ ка̄йадуччаритам̣, акусалам̣ вачӣкаммам̣ вачӣдуччаритам̣, акусалам̣ манокаммам̣ манодуччаритам̣.

таттха катамам̣ акусалам̣ ка̄йакаммам̣? акусала̄ ка̄йасан̃четана̄ акусалам̣ ка̄йакаммам̣, акусала̄ вачӣсан̃четана̄ акусалам̣ вачӣкаммам̣, акусала̄ маносан̃четана̄ акусалам̣ манокаммам̣. има̄ни тӣн̣и дуччарита̄ни.