(34. ка) мут̣т̣хассаччам̣

935. таттха катамам̣ мут̣т̣хассаччам̣? йа̄ ассати анануссати аппат̣иссати ассати ассаран̣ата̄ адха̄ран̣ата̄ пила̄паната̄ саммусаната̄ – идам̣ вуччати ‘‘мут̣т̣хассаччам̣’’.

(кха) асампаджан̃н̃ам̣

таттха катамам̣ асампаджан̃н̃ам̣? йам̣ ан̃н̃а̄н̣ам̣ адассанам̣ …пе… авиджджа̄лан̇гӣ мохо акусаламӯлам̣ – идам̣ вуччати ‘‘асампаджан̃н̃ам̣’’.

(га) четасо виккхепо

таттха катамо четасо виккхепо? йам̣ читтасса уддхаччам̣ авӯпасамо четасо виккхепо бхантаттам̣ читтасса – айам̣ вуччати ‘‘четасо виккхепо’’.