1. рӯпа̄вачаракусалам̣

623. чатта̄ри джха̄на̄ни – пат̣хамам̣ джха̄нам̣, дутийам̣ джха̄нам̣, татийам̣ джха̄нам̣, чатуттхам̣ джха̄нам̣.

624. таттха катамам̣ пат̣хамам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ дутийам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети витаккавича̄ра̄нам̣ вӯпасама̄…пе… дутийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе тиван̇гикам̣ джха̄нам̣ хоти – пӣти, сукхам̣, читтассекаггата̄. идам̣ вуччати ‘‘дутийам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ татийам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети пӣтийа̄ ча вира̄га̄…пе… татийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – сукхам̣, читтассекаггата̄. идам̣ вуччати ‘‘татийам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ чатуттхам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети сукхасса ча паха̄на̄…пе… чатуттхам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

чатуккам̣.

625. идха бхиккху йасмим̣ самайе рӯпӯпапаттийа̄ маггам̣ бха̄вети вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети вивиччева ка̄мехи вивичча акусалехи дхаммехи авитаккам̣ вича̄раматтам̣ вивекаджам̣ пӣтисукхам̣ дутийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе чатуран̇гикам̣ джха̄нам̣ хоти – вича̄ро, пӣти, сукхам̣, читтассекаггата̄. идам̣ вуччати ‘‘дутийам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети витаккавича̄ра̄нам̣ вӯпасама̄…пе… татийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе тиван̇гикам̣ джха̄нам̣ хоти – пӣти, сукхам̣, читтассекаггата̄. идам̣ вуччати ‘‘татийам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети пӣтийа̄ ча вира̄га̄…пе… чатуттхам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – сукхам̣, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети сукхасса ча паха̄на̄…пе… пан̃чамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘пан̃чамам̣ джха̄нам̣’’. авасеса̄ дхамма̄ джха̄насампайутта̄.

пан̃чакам̣.