2. абхидхаммабха̄джанӣйам̣

1. рӯпа̄вачаракусалам̣

623. чатта̄ри джха̄на̄ни – пат̣хамам̣ джха̄нам̣, дутийам̣ джха̄нам̣, татийам̣ джха̄нам̣, чатуттхам̣ джха̄нам̣.

624. таттха катамам̣ пат̣хамам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ дутийам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети витаккавича̄ра̄нам̣ вӯпасама̄…пе… дутийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе тиван̇гикам̣ джха̄нам̣ хоти – пӣти, сукхам̣, читтассекаггата̄. идам̣ вуччати ‘‘дутийам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ татийам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети пӣтийа̄ ча вира̄га̄…пе… татийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – сукхам̣, читтассекаггата̄. идам̣ вуччати ‘‘татийам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ чатуттхам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети сукхасса ча паха̄на̄…пе… чатуттхам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

чатуккам̣.

625. идха бхиккху йасмим̣ самайе рӯпӯпапаттийа̄ маггам̣ бха̄вети вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети вивиччева ка̄мехи вивичча акусалехи дхаммехи авитаккам̣ вича̄раматтам̣ вивекаджам̣ пӣтисукхам̣ дутийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе чатуран̇гикам̣ джха̄нам̣ хоти – вича̄ро, пӣти, сукхам̣, читтассекаггата̄. идам̣ вуччати ‘‘дутийам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети витаккавича̄ра̄нам̣ вӯпасама̄…пе… татийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе тиван̇гикам̣ джха̄нам̣ хоти – пӣти, сукхам̣, читтассекаггата̄. идам̣ вуччати ‘‘татийам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети пӣтийа̄ ча вира̄га̄…пе… чатуттхам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – сукхам̣, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе рӯпӯпапаттийа̄ маггам̣ бха̄вети сукхасса ча паха̄на̄…пе… пан̃чамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘пан̃чамам̣ джха̄нам̣’’. авасеса̄ дхамма̄ джха̄насампайутта̄.

пан̃чакам̣.

2. арӯпа̄вачаракусалам̣

626. идха бхиккху йасмим̣ самайе арӯпӯпапаттийа̄ маггам̣ бха̄вети саббасо а̄кин̃чан̃н̃а̄йатанам̣ саматиккамма невасан̃н̃а̄на̄сан̃н̃а̄йатанасан̃н̃а̄сахагатам̣ сукхасса ча паха̄на̄…пе… чатуттхам̣ джха̄нам̣ упасампаджджа вихарати, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

3. локуттаракусалам̣

627. чатта̄ри джха̄на̄ни – пат̣хамам̣ джха̄нам̣, дутийам̣ джха̄нам̣, татийам̣ джха̄нам̣, чатуттхам̣ джха̄нам̣.

628. таттха катамам̣ пат̣хамам̣ джха̄нам̣? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ татийам̣ джха̄нам̣? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ пӣтийа̄ ча вира̄га̄…пе… татийам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе дуван̇гикам̣ джха̄нам̣ хоти – сукхам̣, читтассекаггата̄. идам̣ вуччати ‘‘татийам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ чатуттхам̣ джха̄нам̣? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ сукхасса ча паха̄на̄ …пе… чатуттхам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

чатуккам̣.

629. идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи вивичча акусалехи дхаммехи авитаккам̣ вича̄раматтам̣ вивекаджам̣ пӣтисукхам̣ дутийам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе чатуран̇гикам̣ джха̄нам̣ хоти вича̄ро пӣти сукхам̣ читтассекаггата̄. идам̣ вуччати ‘‘дутийам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ витаккавича̄ра̄нам̣ вӯпасама̄…пе… татийам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе тиван̇гикам̣ джха̄нам̣ хоти – пӣти, сукхам̣, читтассекаггата̄. идам̣ вуччати ‘‘татийам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ пӣтийа̄ ча вира̄га̄…пе… чатуттхам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе дуван̇гикам̣ джха̄нам̣ хоти – сукхам̣, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ сукхасса ча паха̄на̄…пе… пан̃чамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘пан̃чамам̣ джха̄нам̣’’. авасеса̄ дхамма̄ джха̄насампайутта̄.

пан̃чакам̣.

4. рӯпа̄вачаравипа̄ка̄

630. чатта̄ри джха̄на̄ни – пат̣хамам̣ джха̄нам̣, дутийам̣ джха̄нам̣, татийам̣ джха̄нам̣, чатуттхам̣ джха̄нам̣.

631. таттха катамам̣ пат̣хамам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. тассева рӯпа̄вачарасса кусаласса каммасса кататта̄ упачитатта̄ випа̄кам̣ вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ дутийам̣ джха̄нам̣? идха бхиккху йасмим̣ самайе рӯпӯпапаттийа̄ маггам̣ бха̄вети витаккавича̄ра̄нам̣ вӯпасама̄…пе… дутийам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. тассева рӯпа̄вачарасса кусаласса каммасса кататта̄ упачитатта̄ випа̄кам̣ витаккавича̄ра̄нам̣ вӯпасама̄…пе… дутийам̣ джха̄нам̣…пе… татийам̣ джха̄нам̣…пе… чатуттхам̣ джха̄нам̣…пе… пат̣хамам̣ джха̄нам̣…пе… пан̃чамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘пан̃чамам̣ джха̄нам̣’’. авасеса̄ дхамма̄ джха̄насампайутта̄…пе….

5. арӯпа̄вачаравипа̄ка̄

632. идха бхиккху йасмим̣ самайе арӯпӯпапаттийа̄ маггам̣ бха̄вети саббасо а̄кин̃чан̃н̃а̄йатанам̣ саматиккамма невасан̃н̃а̄на̄сан̃н̃а̄йатанасан̃н̃а̄сахагатам̣ сукхасса ча паха̄на̄…пе… чатуттхам̣ джха̄нам̣ упасампаджджа вихарати, тасмим̣ самайе пхассо хоти…пе… авиккхепо хоти. име дхамма̄ кусала̄. тассева арӯпа̄вачарасса кусаласса каммасса кататта̄ упачитатта̄ випа̄кам̣ саббасо а̄кин̃чан̃н̃а̄йатанам̣ саматиккамма невасан̃н̃а̄на̄сан̃н̃а̄йатанасан̃н̃а̄сахагатам̣ сукхасса ча паха̄на̄…пе… чатуттхам̣ джха̄нам̣ упасампаджджа вихарати, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄.

6. локуттаравипа̄ка̄

633. чатта̄ри джха̄на̄ни – пат̣хамам̣ джха̄нам̣, дутийам̣ джха̄нам̣, татийам̣ джха̄нам̣, чатуттхам̣ джха̄нам̣.

634. таттха катамам̣ пат̣хамам̣ джха̄нам̣? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. тассева локуттарасса кусаласса джха̄насса кататта̄ бха̄витатта̄ випа̄кам̣ вивиччева ка̄мехи…пе… пат̣хамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣ сун̃н̃атам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ дутийам̣ джха̄нам̣? идха бхиккху йасмим̣ самайе локуттарам̣ джха̄нам̣ бха̄вети ниййа̄никам̣ апачайага̄мим̣ дит̣т̣хигата̄нам̣ паха̄на̄йа пат̣хама̄йа бхӯмийа̄ паттийа̄ витаккавича̄ра̄нам̣ вӯпасама̄…пе… дутийам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣, тасмим̣ самайе пхассо хоти…пе… авиккхепо хоти. име дхамма̄ кусала̄. тассева локуттарасса кусаласса джха̄насса кататта̄ бха̄витатта̄ випа̄кам̣ витаккавича̄ра̄нам̣ вӯпасама̄…пе… дутийам̣ джха̄нам̣ …пе… татийам̣ джха̄нам̣…пе… чатуттхам̣ джха̄нам̣…пе… пат̣хамам̣ джха̄нам̣…пе… пан̃чамам̣ джха̄нам̣ упасампаджджа вихарати дуккхапат̣ипадам̣ дандха̄бхин̃н̃ам̣ сун̃н̃атам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘пан̃чамам̣ джха̄нам̣’’. авасеса̄ дхамма̄ джха̄насампайутта̄.

7. рӯпа̄рӯпа̄вачаракирийа̄

635. чатта̄ри джха̄на̄ни – пат̣хамам̣ джха̄нам̣, дутийам̣ джха̄нам̣, татийам̣ джха̄нам̣, чатуттхам̣ джха̄нам̣.

636. таттха катамам̣ пат̣хамам̣ джха̄нам̣? идха бхиккху йасмим̣ самайе рӯпа̄вачарам̣ джха̄нам̣ бха̄вети кирийам̣ нева кусалам̣ на̄кусалам̣ на ча каммавипа̄кам̣ дит̣т̣хадхаммасукхавиха̄рам̣ вивиччева ка̄мехи…пе… пат̣хамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе пан̃чан̇гикам̣ джха̄нам̣ хоти – витакко, вича̄ро, пӣти, сукхам̣, читтассекаггата̄. идам̣ вуччати ‘‘пат̣хамам̣ джха̄нам̣’’. авасеса̄ дхамма̄ джха̄насампайутта̄.

таттха катамам̣ дутийам̣ джха̄нам̣? идха бхиккху йасмим̣ самайе рӯпа̄вачарам̣ джха̄нам̣ бха̄вети кирийам̣ нева кусалам̣ на̄кусалам̣ на ча каммавипа̄кам̣ дит̣т̣хадхаммасукхавиха̄рам̣ витаккавича̄ра̄нам̣ вӯпасама̄…пе… дутийам̣ джха̄нам̣…пе… татийам̣ джха̄нам̣…пе… чатуттхам̣ джха̄нам̣…пе… пат̣хамам̣ джха̄нам̣…пе… пан̃чамам̣ джха̄нам̣ упасампаджджа вихарати патхавӣкасин̣ам̣, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘пан̃чамам̣ джха̄нам̣’’. авасеса̄ дхамма̄ джха̄насампайутта̄.

637. идха бхиккху йасмим̣ самайе арӯпа̄вачарам̣ джха̄нам̣ бха̄вети кирийам̣ нева кусалам̣ на̄кусалам̣ на ча каммавипа̄кам̣ дит̣т̣хадхаммасукхавиха̄рам̣ саббасо а̄кин̃чан̃н̃а̄йатанам̣ саматиккамма невасан̃н̃а̄на̄сан̃н̃а̄йатанасан̃н̃а̄сахагатам̣ сукхасса ча паха̄на̄…пе… чатуттхам̣ джха̄нам̣ упасампаджджа вихарати, тасмим̣ самайе дуван̇гикам̣ джха̄нам̣ хоти – упеккха̄, читтассекаггата̄. идам̣ вуччати ‘‘чатуттхам̣ джха̄нам̣’’. авасеса̄ дхамма̄ джха̄насампайутта̄ти.

абхидхаммабха̄джанӣйам̣.