4. сапада̄нача̄рикан̇гакатха̄ван̣н̣ана̄

27. имина̄ти сапада̄нача̄рикена. ка̄латаранти ка̄лассева. апха̄сукат̣т̣ха̄нанти сапариссайа̄дивасена дуппавесанат̣т̣ха̄нам̣. пуратоти вӣтхийам̣ гаччхантасса пурато гхарам̣ апавит̣т̣хассева. паттависсат̣т̣хат̣т̣ха̄нанти песака̄равӣтхийам̣ песака̄рабха̄вам̣ нимминитва̄ т̣хитасса саккасса гхарадва̄ре паттависсат̣т̣хат̣т̣ха̄нам̣. уккат̣т̣хапин̣д̣апа̄тико там̣ дивасам̣ на бхиккхам̣ а̄гамайама̄но нисӣдати, тасма̄ там̣ ануломети. каттхачипи куле нибаддхам̣ упасан̇камана̄бха̄вато паричайа̄бха̄вена кулесу ниччанаваката̄. саббаттха алаггама̄насата̄йа ча соммабха̄вена ча чандӯпамата̄. кулесу париггахачитта̄бха̄вена таттха маччхераппаха̄нам̣. хитесита̄йа вибха̄га̄бха̄вато сама̄нукампита̄. кула̄нам̣ сан̇ган̣ханасам̣сат̣т̣хата̄дайо кулӯпака̄дӣнава̄. авха̄на̄набхинандана̄ти нимантанавасена авха̄насса асампат̣иччхана̄. абхиха̄рена̄ти бхиккха̄бхиха̄рена. серича̄ранти йатха̄ручи вичаран̣ам̣.

ити сапада̄нача̄рикан̇гакатха̄ван̣н̣ана̄.