36. морийабрахман̣асса ваттхумхи айама̄нупуббӣкатха̄

амха̄кам̣ бхагавати париниббуте магадхарат̣т̣хе мачалам̣ на̄ма маха̄га̄мам̣ ахоси. таттха морийона̄ма бра̄хман̣о пат̣ивасати саддхо пасанно, тасса сена̄на̄ме ка̄ бхарийа̄ аттхи. са̄пи саддха̄ пасанна̄ ратанаттайесу. те убхопи самагга̄ саммодама̄на̄ бхиккхусан̇гхам̣ нимантетва̄ ниччам̣ да̄нам̣ паваттента̄ чӣвара̄дичатупаччайехи упат̣т̣хаханта̄ сӣлам̣ раккханта̄ упосатхакаммам̣ каронта̄ дивасам̣ вӣтина̄менти. атхасса гехе вибхавам̣ йебхуййена да̄на̄дӣсу париккхайамагама̄си. тато бра̄хман̣ӣ са̄ми но гехе дханам̣ париккхӣн̣ам̣. катхам̣ да̄нам̣ паваттеййа̄ма̄ти бра̄хман̣асса а̄рочеси, тато бра̄хман̣о ма̄ бхадде чинтеси. йенакеначи упа̄йена да̄нам̣ патит̣т̣хапесса̄ма̄ти ватва̄ тасмим̣йева аттано саусса̄хатам̣ пака̄сонто а̄ха.

1. джа̄нама̄но хи локасмим̣, да̄насседам̣ пхалам̣ ити;

на даджджа̄ ко сусӣлесу, аппампи дивасампати.

2. саггалоканида̄на̄ни, да̄на̄ни матима̄ идха;

кохина̄ма наро локе, на дадеййа хите ратоти.

еван̃ча пана ватва̄ бхадде ванам̣ пависитва̄ анекавидха̄ни пан̣н̣а̄ни ча пхала̄ни ча паччхипӯрам̣ а̄харитва̄ виккин̣итва̄пи да̄нам̣ на упаччхиндисса̄ма̄ти ватва̄ тато пат̣т̣ха̄йа ванам̣ гантва̄ пан̣н̣а̄ни ча пхала̄ни ча а̄харитва̄ виккин̣итва̄ да̄нам̣ денто пат̣ивасати. атхекадивасам̣ бра̄хман̣о ванам̣ павит̣т̣хо пан̣н̣ехи ча пхалехи ча паччхим̣ пӯретва̄ сӣсена̄ да̄йа гехам̣ а̄гаччханто пуппхапхалапаллавехи винатам̣ некатаруган̣аничитам̣ самматта̄некача̄такачатуппаданисевитам̣ виппакин̣н̣а̄нантапуппхапаттакин̃джаккхаччханнава̄л̣ука̄талам̣ сандама̄насӣтала̄ маладжалаппава̄хам̣ акаддама̄ниннасупатиттехи сундарам̣ кандарам̣ дисва̄ паччхим̣ тӣре т̣хапетва̄ отин̣н̣о наха̄йати, тасмим̣ кхан̣е таттха екасмим̣ руккхе адхиваттхо девапутто там̣ таттха наха̄йантам̣ дисва̄ кинну кхо еса калйа̄н̣аджджха̄сайо ва̄ уда̄ху па̄паджджха̄сайо саттоти диббачаккхуна̄ упадха̄ранто аччхарийапурисо есо дуггатопи хутва̄ аттано да̄наппавен̣ийа̄ упаччхиджджанабхайена ванам̣ гантва̄ пан̣н̣а̄ни ча пхала̄ни ча а̄харитва̄ дуккхена касирена джӣвикам̣ каппенто да̄надхаммам̣ на упаччхиндатӣти чинтетва̄ тасса гун̣а̄дайо пат̣ичча паччхийам̣ т̣хапитапан̣н̣а̄ни ча пхала̄ни ча сабба̄ни суван̣н̣а̄ни хонтӯти адхит̣т̣ха̄си. атхасса̄нубха̄вена саббам̣ суван̣н̣ам̣ ахобхи, атха со суван̣н̣апун̣н̣апаччхийам̣ упари суван̣н̣ара̄симаттхаке саббака̄мададам̣ махантам̣ ман̣иратанам̣ т̣хапетва̄ антарахито пат̣иккамма ат̣т̣ха̄си, тато бра̄хман̣о наха̄тва̄ уттин̣н̣о паччхийам̣ сампун̣н̣асуван̣н̣аван̣н̣арам̣сина̄ самбхиннавиджджотама̄наман̣иратанам̣ дисва̄ киметам̣ти а̄сан̇китапарисан̇кито паччхисамӣпам̣ гантва̄ хаттхам̣ паса̄ретум̣ ависаханто ат̣т̣ха̄си. там̣ дисва̄ девапутто диссама̄насарӣрена т̣хатва̄ ма̄ твам̣ бха̄йи бра̄хман̣а. майа̄ ета̄ни ниммита̄ни, гахетва̄ гаччха̄хӣти а̄ха, атха бра̄хман̣о девапуттасса катхам̣ сутва̄ айам̣ девапутто имам̣ майа̄ ниммитам̣, гахетва̄ гаччха̄ти вадати. кинну кхо со аттано а̄нубха̄вена дети, уда̄ху майа̄ катапун̃н̃ена̄ти пуччхисса̄ми там̣ти пан̃джаликова девапуттам̣ пуччханто а̄ха.

3. пуччха̄ми пан̃джалӣ да̄ни, девапутта махиддхика;

дада̄си ме суван̣н̣ан̃ча, ка̄мадам̣ ман̣имуттамам̣.

4. на̄пи ко но тувам̣ н̃а̄ти,

на митто нопака̄рако;

ким̣ твам̣ аттхавасам̣ дисва̄,

мама даджджа̄симам̣ дханам̣.

5. кена тапена сӣлена, кена̄ча̄рагун̣ена ча;

йена даджджа̄си ме дева, ким̣ ме сучаритам̣ читам̣.

6. кинну пура̄танам̣ каммам̣, кена каммена дассаси;

атхава̄ тавиддхийа̄ деси, там̣ ме аккха̄хи пуччхитоти.

тато девапутто на кхо пана̄хам̣ бра̄хман̣а девоти паресам̣ кин̃чи да̄тум̣ саккоми, тайа̄ пуббе катасучарита̄нубха̄вена ниббаттатӣти ватва̄ диббачаккхуна̄ тасса пуббакаммам̣ дисва̄ тасса пака̄сенто а̄ха.

7. кассапе локападжджоте, самбуддхе париниббуте;

саббаттха паттхат̣ам̣ а̄си, тасса буддхасса са̄санам̣.

8. тада̄ паччантиме га̄ме, твама̄си кулада̄рако;

саддхо а̄си пасанно ча, да̄йако кусале рато.

9. тада̄ паббаджито еко, гаччханто антара̄патхе;

чорехи анубаддхоси, аччхиннапаттачӣваро.

10. са̄кха̄бхан̇гам̣ нива̄сетва̄, па̄рупитва̄ татхева там̣;

антога̄мам̣ павит̣т̣хоси, есама̄но пилотике.

11. тато твам̣ чарама̄нам̣ там̣, дисва̄ кампитама̄насо;

ваттхайугам̣ ада̄си твам̣, саддахам̣ да̄нато пхалам̣.

12. паттходанена там̣ бхиккхум̣, паривиситва̄ йатха̄балам̣;

песеси абхива̄детва̄, саддха̄йа суддхама̄насо.

13. имам̣ твам̣ акарӣ пун̃н̃ам̣, туйхетам̣ чаритам̣ имам̣;

тасса те пун̃н̃акаммасса, амукхйапхала мӣдисам̣ти.

еван̃ча пана ватва̄ идам̣ те бра̄хман̣а дханам̣ ра̄джа̄дӣхи майа̄ ана̄харан̣ӣйам̣ катам̣, твам̣ апарисан̇канто гахетва̄ йатха̄дхиппа̄йам̣ карохи, имам̣ кхо пана ман̣иратанам̣ иччхитиччхитам̣ пасавати, тена̄пи а̄нубха̄вена тава да̄нам̣ анупаччхинданто путтада̄ра̄дайо посехӣти ануса̄си, там̣ сутва̄ бра̄хман̣о тена вуттанийа̄менева бхиккхусан̇гхасса маха̄да̄нам̣ даданто сӣлам̣ раккханто чирам̣ васитва̄ апарабха̄ге тато чуто девалоке ниббаттӣти.

14. евам̣ нихӣна̄пӣ дханена санто,

да̄нанвайам̣ нева париччаджанти;

тасма̄ хи бхонто сати деййадхамме,

ма̄ каттха да̄несу пама̄дабха̄вам̣ти.

морийабра̄хман̣асса ваттхум̣ чхат̣т̣хамам̣.