а̄на̄па̄насам̣йутта

маха̄каппинасутта

пуччха̄ – а̄на̄па̄насам̣йутте а̄вусо пора̄н̣акехи дхаммасам̣га̄хакамаха̄тхерехи саттамам̣ сам̣гӣтам̣ маха̄каппинасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘пассатха но тумхе бхиккхаве етасса бхиккхуно ка̄йасса ин̃джитаттам̣ ва̄ пхандитаббам̣ ва̄’’ти евама̄дина̄ бхагавата̄ бха̄ситам̣.

иччха̄нан̇галасутта

пуччха̄ – таттхева а̄вусо дутийавагге пат̣хамам̣ иччха̄нан̇галасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – иччха̄нан̇гале бханте самбахуле бхиккхӯ а̄раббха ‘‘саче кхо бхиккхаве ан̃н̃атиттхийа̄ парибба̄джака̄ евам̣ пуччхеййум̣ ‘катаме на̄вусо виха̄рена саман̣о готамо васса̄ва̄сам̣ бахулам̣ виха̄сӣ’ти. евам̣ пут̣т̣ха̄ тумхе бхиккхаве тесам̣ ан̃н̃атиттхийа̄нам̣ парибба̄джака̄нам̣ евам̣ бйа̄кареййа̄тха а̄на̄па̄нассатисама̄дхина̄ кхо а̄вусо бхагава̄ васса̄ва̄сам̣ бахулам̣ виха̄сӣ’’ти евама̄дина̄ бханте бхагавата̄ бха̄ситам̣.