ануруддхасам̣йутта

ба̄л̣хагила̄насутта

пуччха̄ – ануруддхасам̣йутте а̄вусо пора̄н̣акехи дхаммасам̣га̄хакамаха̄тхерехи дасамам̣ сам̣гӣтам̣ ба̄л̣хагина̄насуттам̣ каттха кам̣ а̄раббха кисмим̣ ваттхусмим̣ кена катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха а̄йасмата̄ ануруддхаттхерена бха̄ситам̣. самбахула̄ бханте бхиккхӯ а̄йасмантам̣ ануруддхам̣ а̄ба̄дхикам̣ дуккхитам̣ ба̄л̣хагила̄нам̣ етадавочум̣ ‘‘катамена̄йасмато ануруддхасса виха̄рена вихарато уппанна̄ са̄рӣрика̄ дуккха̄ ведана̄ читтам̣ на парийа̄да̄йа тит̣т̣хантӣ’’ти. тасмим̣ бханте ваттхусмим̣ ‘‘чатӯсу кхо ме а̄вусо сатипат̣т̣ха̄несу суппатит̣т̣хитачиттасса вихарато уппанна̄ са̄рӣрика̄ дуккха̄ ведана̄ читтам̣ на парийа̄да̄йа тит̣т̣хантӣ’’ти евама̄дина̄ а̄йасмата̄ ануруддхаттхерена бха̄ситам̣.