пун̃н̃а̄бхисандавагга

маха̄на̄масутта

пуччха̄ – таттхева а̄вусо пун̃н̃а̄бхисандавагго пора̄н̣акехи дхаммасам̣га̄хакамаха̄тхерехи саттамам̣ сам̣гӣтам̣ маха̄на̄масуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – саккесу бханте капилаваттхусмим̣ маха̄на̄мам̣ саккам̣ а̄раббха бха̄ситам̣.

маха̄на̄мо бханте сакко бхагавантам̣ етадавоча ‘‘китта̄вата̄ ну кхо бханте упа̄сако хотӣ’’ти. тасмим̣ бханте ваттхусмим̣ ‘‘йато кхо маха̄на̄ма буддхам̣ саран̣ам̣ гато хоти, дхаммам̣ саран̣ам̣ гато хоти, сан̇гхам̣ саран̣ам̣ гато хотӣ’’ти евама̄дина̄ бхагавата̄ бха̄ситам̣.

китта̄вата̄ ну кхо бханте упа̄сако хоти.

ка̄л̣игодхасутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи навамам̣ сам̣гӣтам̣ ка̄л̣игодхасуттам̣ бхагавата̄ каттха кам̣ ка̄раббха катхан̃ча бха̄ситам̣.

виссаджджана̄ – саккесу бханте ка̄л̣игодхам̣ на̄ма са̄кийа̄ним̣ а̄раббха ‘‘чатӯхи кхо годхе дхаммехи саманна̄гата̄ арийаса̄вика̄ сота̄панна̄ хоти авинипа̄тадхамма̄ нийата̄ самбодхипара̄йан̣а̄’’ти евама̄дина̄ бхагавата̄ бха̄ситам̣.

ла̄бха̄ те годхе, суладдхам̣ те годхе, сота̄паттипхалам̣ тайа̄ годхе –

нандийасаккасутта

пуччха̄ – тена̄вусо джа̄ната̄…пе… самма̄самбуддхена сота̄паттисам̣йутте пун̃н̃а̄бхисандавагге дасамам̣ нандийасаккасуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – саккесу бханте капилаваттхусмим̣ нигродха̄ра̄ме нандийам̣ саккам̣ а̄раббха бха̄ситам̣. нандийо бханте сакко бхагавантам̣ етадавоча ‘‘йассева ну кхо бханте арийаса̄вакасса чатта̄ри сота̄паттийан̇га̄ни саббена саббам̣ саббатха̄саббам̣ наттхи, свева ну кхо бханте арийаса̄вако пама̄давиха̄рӣ’’ти. тасмим̣ бханте ваттхусмим̣ ‘‘йасса кхо нандийа чатта̄ри сота̄паттийан̇га̄ни саббенасаббам̣ саббатха̄саббам̣ наттхи, тамахам̣ ба̄хиро путхуджджанапаккхе т̣хитоти вада̄мӣ’’ти евама̄дина̄ бхагавата̄ бха̄ситам̣.