саччасам̣йутта

тираччха̄накатха̄сутта

пуччха̄ – саччасам̣йутте а̄вусо пора̄н̣акехи дхаммасам̣га̄йакамаха̄тхерехи дасамам̣ сам̣гӣтам̣ тираччха̄накатха̄суттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ма̄ бхиккхаве анекавихитам̣ тираччха̄накатхам̣ катхеййа̄тха. сеййатхидам̣, ра̄джакатхам̣ чоракатхам̣ маха̄маттакатхам̣ сена̄катхам̣ бхайакатхам̣ йуддхакатхам̣ аннакатхам̣ па̄накатхам̣ ваттхакатхам̣ сайанакатхам̣ евама̄дина̄ бханте бхагавата̄ бха̄ситам̣.

идам̣ дуккханти катхеййа̄тха.

тасма̄тиха бхиккхаве идам̣ дуккханти його каран̣ӣйо…пе… айам̣ дуккханиродхага̄минӣ пат̣ипада̄ти його каран̣ӣйо.

дхаммачаккапаваттанасутта

пуччха̄ – таттхева а̄вусо дхаммачаккаппаваттанавагге пора̄н̣акехи дхаммасам̣га̄хакамаха̄тхерехи пат̣хамам̣ сам̣гӣтам̣ дхаммачаккапаваттанасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – ба̄ра̄н̣асийам̣ бханте исипатане мигада̄йе пан̃чаваггийе бхиккхӯ а̄раббха ‘‘две ме бхиккхаве анта̄ паббаджитена насевитабба̄. катаме две, йо ча̄йам̣ ка̄месу ка̄масукхаллика̄нуйого хӣно гаммо потхуджджанико анарийо анаттхасам̣хито, йо ча̄йам̣ аттакиламатха̄нуйого дуккхо анарийо анаттхасам̣хито, ете кхо бхиккхаве убхо анте анупагамма маджджхима̄пат̣ипада̄ татха̄гатена абхисамбуддха̄’’ти евама̄дина̄ бхагавата̄ бха̄ситам̣.

а̄саваккхайасутта

пуччха̄ – таттхева а̄вусо кот̣ига̄мавагге пора̄н̣акехи дхаммасам̣га̄хакамаха̄тхерехи пан̃чамам̣ сам̣гӣтам̣ а̄саваккхайасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха ‘‘джа̄натохам̣ бхиккхаве пассато а̄сава̄нам̣ кхайам̣ вада̄ми, но аджа̄нато апассато. кин̃ча бхиккхаве джа̄нато пассато а̄сава̄нам̣ кхайо хоти, идам̣ дуккханти бхиккхаве джа̄нато пассато а̄сава̄нам̣ кхайо хоти, айам̣ дуккхасамудайоти, айам̣ дуккханиродхоти, айам̣ дуккханиродхага̄минӣпат̣ипада̄ти джа̄нато пассато а̄сава̄нам̣ кхайо хоти. евам̣ кхо бхиккхаве джа̄нато евам̣ пассато а̄сава̄нам̣ кхайо хоти. тасма̄тиха бхиккхаве ‘‘идам̣ дуккха’’нти його каран̣ӣйо, айам̣ дуккхасамудайоти, айам̣ дуккханиродхоти, айам̣ дуккханиродхага̄минӣпат̣ипада̄ти його каран̣ӣйо’’ти евам̣ кхо бхагавата̄ бха̄ситам̣.

сӣсапа̄ванасутта

пуччха̄ – таттхева а̄вусо сӣсапа̄ванавагге пора̄н̣акехи дхаммасам̣га̄хакамаха̄тхерехи пат̣хамам̣ сам̣гӣтам̣ сӣсапа̄ванасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – косамбийам̣ бханте сӣсапа̄ване самбахуле бхиккхӯ а̄раббха ‘‘там̣ ким̣ ман̃н̃атха бхиккхаве, катамам̣ нукхо бахутарам̣ йа̄ни ва̄ майа̄ паритта̄ни сӣсапа̄пан̣н̣а̄ни па̄н̣ина̄ гахита̄ни йадидам̣ упари сӣсапа̄ване’’ти евама̄дина̄ бхагавата̄ бха̄ситам̣.

пан̃чагатипеййа̄лавагга

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи парийоса̄набха̄вена сам̣гӣто пан̃чагатипеййа̄лавагге, бхагавата̄ каттха кам̣ а̄раббха катхан̃ча бха̄сито.

виссаджджана̄ – веса̄лийам̣ бханте самбахуле бхиккхӯ а̄раббха ‘‘там̣ ким̣ ман̃н̃атха бхиккхаве, катамам̣ ну кхо бахутарам̣, йо ва̄йам̣ майа̄ паритто накхасикха̄йам̣ пам̣су а̄ропито, айам̣ ва̄ маха̄патхавӣ’’ти евама̄дина̄ бхагавата̄ бха̄сито.

пуччха̄ – ке а̄вусо сиккханти.

виссаджджана̄ – секкха̄ ча бханте путхуджджанакалйа̄н̣ака̄ ча сиккханти.

пуччха̄ – ке а̄вусо сиккхитасиккха̄.

виссаджджана̄ – араханто бханте сиккхитасиккха̄.

пуччха̄ – каттха а̄вусо т̣хитам̣.

виссаджджана̄ – сиккха̄ка̄месу бханте т̣хитам̣.

пуччха̄ – ке а̄вусо дха̄ренти.

виссаджджана̄ – йесам̣ бханте ваттати те дха̄ренти.

пуччха̄ – касса а̄вусо вачанам̣.

виссаджджана̄ – бхагавато бханте вачанам̣ арахато самма̄самбуддхасса.

пуччха̄ – кена а̄вусо а̄бхатам̣.

виссаджджана̄ – парампара̄йа бханте а̄бхатам̣.