саббавагга

а̄диттасутта

пуччха̄ – таттха̄вусо саббавагге чхат̣т̣хам̣ а̄диттасуттам̣ бхагавата̄ каттха кам̣ а̄раббха катхан̃ча бха̄ситам̣.

виссаджджана̄ – гайа̄йам̣ бханте гайа̄сӣсе пура̄н̣аджат̣илам̣ бхиккхусахассам̣ а̄раббха ‘‘саббам̣ бхиккхаве а̄диттам̣, кин̃ча бхиккхаве саббам̣ а̄диттам̣. чаккху бхиккхаве а̄диттам̣, рӯпа̄ а̄дитта̄, чаккхувин̃н̃а̄н̣ам̣ а̄диттам̣, чаккхусампхассо а̄дитто, йампидам̣ чаккхусампхассапаччайа̄ уппаджджати, ведайитам̣ сукхам̣ ва̄ дуккхам̣ ва̄ адуккхамасукхам̣ва̄, тампи а̄диттам̣. кена а̄диттам̣. ра̄гаггина̄ досаггина̄ мохаггина̄ а̄диттам̣, джа̄тийа̄ джара̄йа маран̣ена сокехи паридевехи дуккхехи доманассехи упа̄йа̄сехи а̄диттанти вада̄мӣ’’ти евама̄дина̄ бхагавата̄ бха̄ситам̣.