джамбукха̄дакасам̣йутта

нибба̄напан̃ха̄сутта

пуччха̄ – джамбукха̄дакасам̣йутте а̄вусо пат̣хамам̣ нибба̄напан̃ха̄суттам̣ каттха кам̣ а̄раббха кисмим̣ ваттхусмим̣ кена катхан̃ча бха̄ситам̣.

виссаджджана̄ – магадхесу бханте на̄лакага̄маке джамбукха̄дакам̣ парибба̄джакам̣ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣. джамбукха̄дако бханте парибба̄джако а̄йасмантам̣ са̄рипуттам̣ етадавоча ‘‘нибба̄нам̣ нибба̄нанти а̄вусо са̄рипутта вуччати, катамам̣ нукхо а̄вусо нибба̄на’’нти. тасмим̣ бханте ваттхусмим̣ ‘‘йо кхо а̄вусо ра̄гаккхайо досаккхайо мохаккхайо, идам̣ вуччати нибба̄на’’нти евама̄дина̄ а̄йасмата̄ са̄рипуттаттхерена дхаммасена̄патина̄ бха̄ситам̣.

дхаммава̄дӣпан̃ха̄сутта

пуччха̄ – таттхева а̄вусо пора̄н̣акехи дхаммасам̣га̄хакамаха̄тхерехи татийам̣ сам̣гӣтам̣ дхаммава̄дӣпан̃ха̄суттам̣ каттха кам̣ а̄раббха кисмим̣ ваттхусмим̣ кена катхан̃ча бха̄ситам̣.

виссаджджана̄ – магадхесуйева бханте на̄лакага̄ме джамбукха̄дакам̣ парибба̄джакам̣ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣. джамбукха̄дако бханте парибба̄джако а̄йасмантам̣ са̄рипуттам̣ етадавоча ‘‘ке ну кхо а̄вусо са̄рипутта локе дхаммава̄дино, ке локе суппат̣ипанна̄, ке локе сугата̄’’ти. тасмим̣ бханте ваттхусмим̣ ‘‘йе кхо а̄вусо ра̄гаппаха̄на̄йа дхаммам̣ десенти, досаппаха̄на̄йа дхаммам̣ десенти, мохаппаха̄на̄йа дхаммам̣ десенти. те локе дхаммава̄дино’’ти евама̄дина̄ а̄йасмата̄ са̄рипуттаттхерена дхаммасена̄патина̄ бха̄ситам̣.

ке локе суппат̣ипанна̄.

ке локе сугата̄.

дуккарапан̃ха̄сутта

пуччха̄ – таттхева пора̄н̣акехи дхаммасам̣га̄хака маха̄тхерехи парийоса̄насуттабха̄вена сам̣гӣтам̣ дуккарапан̃ха̄суттам̣ каттха кам̣ а̄раббха кисмим̣ ваттхусмим̣ кена катхан̃ча бха̄ситам̣.

виссаджджана̄ – магадхесуйева на̄лакага̄ме джамбукха̄дакам̣ парибба̄джакам̣ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣. джамбукха̄дако бханте парибба̄джако а̄йасмантам̣ са̄рипуттам̣ етадавоча ‘‘ким̣ ну кхо а̄вусо са̄рипутта имасмим̣ дхаммавинайе дуккара’’нти. тасмим̣ бханте ваттхусмим̣ ‘‘паббаджджа̄ кхо а̄вусо имасмим̣ дхаммавинайе дуккара̄’’ти евама̄дина̄ а̄йасмата̄ са̄рипуттаттхерена дхаммасена̄патина̄ бха̄ситам̣.