са̄рипуттасам̣йутта

сучимукхӣсутта

пуччха̄ – са̄рипуттасам̣йутте пана̄вусо дасамам̣ сучимукхӣсуттам̣ каттха кам̣ а̄раббха кисмим̣ ваттхусмим̣ кена катхан̃ча бха̄ситам̣.

виссаджджана̄ – ра̄джагахе бханте сучимукхим̣ парибба̄джикам̣ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣. сучимукхӣ бханте парибба̄джика̄ а̄йасмантам̣ са̄рипуттам̣ етадавоча ‘‘ким̣ ну кхо саман̣а адхомукхо бхун̃джасӣ’’ти. тасмим̣ бханте ваттхусмим̣ ‘‘на кхва̄хам̣ бхагини адхомукхо бхун̃джа̄мӣ’’ти евама̄дина̄ пат̣иккхипитва̄ ‘‘йе хи кечи бхагини саман̣абра̄хман̣а̄ ваттхувиджджа̄ тираччха̄навиджджа̄йа миччха̄джӣвена джӣвикам̣ каппенти, име вуччанти бхагини саман̣абра̄хман̣а̄ адхомукха̄ бхун̃джантӣ’’ти евама̄дина̄ а̄йасмата̄ са̄рипуттаттхерена дхаммасена̄патина̄ бха̄ситам̣.

ким̣ ну кхо саман̣а адхо мукхо бхун̃джаси.

на кхва̄хам̣ бхагини адхомукхо бхун̃джа̄ми.

тена хи саман̣а уббхамукхо бхун̃джаси.

на кхва̄хам̣ бхагини уббхамукхо бхун̃джа̄ми.