бра̄хман̣асам̣йутта

дханан̃джа̄нӣсутта

пуччха̄ – бра̄хман̣асам̣йутте а̄вусо пат̣хамам̣ сам̣гӣтам̣ дханан̃джа̄нӣсуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – ра̄джагахе бханте бха̄радва̄джаготтам̣ бра̄хман̣ам̣ а̄раббха бха̄ситам̣. бха̄радва̄джаготто бханте бра̄хман̣о бхагавантам̣ упасан̇камитва̄ га̄тха̄йа аджджхабха̄си.

‘‘ким̣ су чхетва̄ сукхам̣ сети,

ким̣ су чхетва̄ на сочати;

киссассу екадхаммасса,

вадхам̣ рочеси готама̄’’ти–

тасмим̣ бханте ваттхусмим̣–

‘‘кодхам̣ чхетва̄ сукхам̣ сети;

кодхам̣ чхетва̄ на сочати;

кодхасса висамӯласса,

мадхураггасса бра̄хман̣а;

вадхам̣ арийа̄ пасам̣санти,

тан̃хи чхетва̄ на сочатӣ’’ти;

евам̣ кхо бханте бхагавата̄ бха̄ситам̣.

ким̣ су чхетва̄ сукхам̣сети, ким̣ су чхетва̄ на сочати;

киссассу екадхаммасса, вадхам̣ рочеси готама–

пуччха̄ – иман̃ча пана̄вусо дхаммадесанам̣ сутва̄ бха̄радва̄джаготто бра̄хман̣о имасмим̣ дхаммавинайе пасанно кӣдисам̣ пасанна̄ка̄рамака̄си, кӣваттакан̃ча аттхам̣ сампа̄деси.

виссаджджана̄ – иман̃ча пана бханте дхаммадесанам̣ сутва̄ бха̄радва̄джаготто бра̄хман̣о ‘‘абхиккантам̣ бхо готама, абхиккантам̣ бхо готама, сеййатха̄пи бхо готама никкуджджитам̣ ва̄ уккуджджеййа, пат̣иччханнам̣ ва̄ вивареййа, мӯл̣хасса ва̄ маггам̣ а̄чиккхеййа, андхака̄ре ва̄ телападжджотам̣ дха̄реййа чаккхуманто рӯпа̄ни даккхантӣ’’ти евама̄дина̄ бханте имасмим̣ дхаммавинайе пасанно пасанна̄ка̄рамака̄си. иман̃ча пана бханте дхаммадесанам̣ сутва̄ бха̄радва̄джаготто бра̄хман̣о бхагавато сантике паббаджджам̣ упасампадам̣ йа̄читва̄ ачирӯпасампанно йа̄ва арахаттам̣ сампа̄деси.

аккосасутта

пуччха̄ – аккосакабха̄радва̄джасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – ра̄джагахе бханте аккосакабха̄радва̄джам̣ бра̄хман̣ам̣ а̄раббха бха̄ситам̣. аккосакабха̄радва̄джо бханте бра̄хман̣о бхагавантам̣ упасан̇камитва̄ асаббха̄хи пхаруса̄хи ва̄ча̄хи бхагавантам̣ аккосати парибха̄сати. тасмим̣ бханте ваттхусмим̣ ‘‘там̣ ким̣ ман̃н̃аси бра̄хман̣а, апи нукхо те а̄гаччханти митта̄мачча̄ н̃а̄тиса̄лохита̄ атитийо’’ти евама̄дина̄ бханте бхагавата̄ бха̄ситам̣.

аккодхасса куто кодхо,

дантасса самаджӣвино;

саммадан̃н̃а̄ вимуттасса,

упасантасса та̄дино.

тассева тена па̄пийо,

йо куддхам̣ пат̣икуджджхати;

куддхам̣ аппат̣икуджджханто,

сан̇га̄мам̣ джети дуджджайам̣.

убхиннаматтхам̣ чарати,

аттано ча парасса ча;

парам̣ сан̇купитам̣ н̃атва̄,

йо сато упасаммати.

убхиннам̣ тикиччханта̄нам̣,

аттано ча парасса ча;

джана̄ ман̃н̃анти ба̄лоти,

йе дхаммасса аковида̄.

пуччха̄ – иман̃ча пана̄вусо дхаммадесанам̣ сутва̄ аккосакабха̄радва̄джо бра̄хман̣о имасмим̣ дхаммавинайе пасанно кӣдисам̣ пасанна̄ка̄рамака̄си. кӣваттакан̃ча аттхам̣ сампа̄деси.

виссаджджана̄ – иман̃ча пана бханте дхаммадесанам̣ сутва̄ аккосакабха̄радва̄джо бра̄хман̣о ‘‘абхиккантам̣ бхо готама, абхиккантам̣ бхо готама̄’’ти евама̄дина̄ имасмим̣ дхаммавинайе пасанно пасанна̄ка̄рамака̄си. йа̄ва арахатта̄ ча пана махантам̣ аттхам̣ сампа̄деси.

бахудхӣтарасутта

пуччха̄ – тена̄вусо бхагавата̄ джа̄ната̄…пе… самма̄самбуддхена бра̄хман̣асам̣йутте бахудхӣтарасуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – косалесу бханте ан̃н̃атарасмим̣ ванасан̣д̣е ан̃н̃атарам̣ бха̄радва̄джаготтам̣ бра̄хман̣ам̣ а̄раббха бха̄ситам̣. ан̃н̃атаро бханте бха̄радва̄джаготто бра̄хман̣о гон̣е нат̣т̣хе парийесанто бхагавато сантике има̄ га̄тха̄йо абха̄си.

‘‘на хи нӯнимасса саман̣асса, балӣбадда̄ чатуддаса;

аджджасат̣т̣хим̣ на диссанти, тена̄йам̣ саман̣о сукхӣ;

на хи нӯнимасса саман̣асса, тила̄кхеттасми па̄пака̄;

екапан̣н̣а̄ дупан̣н̣а̄ ча, тена̄йам̣ саман̣о сукхӣ.

(пеййа̄ла)

на хи нӯнимасса саман̣асса, паччӯсамхи ин̣а̄йика̄;

детха детха̄ти чоденти, тена̄йам̣ саман̣о сукхӣ’’ти.

тасмим̣ бханте ваттхусмим̣–

на хи майхам̣ бра̄хман̣а, балӣбадда̄ чатуддаса;

аджджасат̣т̣хим̣ на диссанти, тена̄хам̣ бра̄хман̣а̄ сукхӣ;

на хи майхам̣ бра̄хман̣а, тила̄кхеттасми па̄пака̄;

екапан̣н̣а̄ дупан̣н̣а̄ ча, тена̄хам̣ бра̄хман̣а̄ сукхӣ.

(пеййа̄ла)

на хи майхам̣ бра̄хман̣а, паччӯсамхи ин̣а̄йика̄;

детха детха̄ти чоденти, тена̄хам̣ бра̄хман̣а̄ сукхӣти.

евам̣ кхо бханте бхагавата̄ бха̄ситам̣.

(1)

на хи нӯнимасса саман̣асса, балӣбадда̄ чатуддаса;

аджджасат̣т̣хим̣ на диссанти, тена̄хам̣ саман̣о сукхӣ.

(2)

на хи нӯнимасса саман̣асса, тила̄кхеттасми па̄пака̄;

екапан̣н̣а̄ дупан̣н̣а̄ ча, тена̄йам̣ саман̣о сукхӣ.

(3)

на хи нӯнимасса саман̣асса, туччхакот̣т̣хасми мӯсика̄;

уссол̣хика̄йа наччанти, тена̄йам̣ саман̣о сукхӣ.

(4)

на хи нӯнимасса саман̣асса, сантха̄ро саттама̄сико;

уппа̄т̣акехи сан̃чханно, тена̄йам̣ саман̣о сукхӣ.

(5)

на хи нӯнимасса саман̣асса, видхава̄ сатта дхӣтаро;

екапутта̄ дупутта̄ ча, тена̄йам̣ саман̣о сукхӣ.

(6)

на хи нӯнимасса саман̣асса, пин̇гала̄ тилака̄хата̄;

соттам̣ па̄дена бодхети, тена̄йам̣ саман̣о сукхӣ.

(7)

на хи нӯнимасса саман̣асса, паччӯсами ин̣а̄йика̄;

детха детха̄ти чоденти, тена̄йам̣ саман̣о сукхӣ.

(1)

на хи майхам̣ бра̄хман̣а, балӣбадда̄ чатуддаса;

аджджасат̣т̣хим̣ на диссанти, тена̄хам̣ бра̄хман̣а̄ сукхӣ.

(2)

на хи майхам̣ бра̄хман̣а, тила̄кхеттасми па̄пака̄;

екапан̣н̣а̄ дупан̣н̣а̄ ча, тена̄хам̣ бра̄хман̣а̄ сукхӣ.

(3)

на хи майхам̣ бра̄хман̣а, туччхакот̣т̣хасми мӯсика̄;

уссол̣хӣка̄йа наччанти, тена̄хам̣ бра̄хман̣а̄ сукхӣ.

(4)

на хи майхам̣ бра̄хман̣а, сантха̄ро саттама̄сико;

уппа̄т̣акехи сан̃чханно, тена̄хам̣ бра̄хман̣а̄ сукхӣ.

(5)

на хи майхам̣ бра̄хман̣а, видхава̄ сатта дхӣтаро;

екапутта̄ дупутта̄ ча, тена̄хам̣ бра̄хман̣а̄ сукхӣ.

(6)

на хи майхам̣ бра̄хман̣а, пин̇гала̄ тилака̄хата̄;

соттам̣ па̄дена бодхети, тена̄хам̣ бра̄хман̣а̄ сукхӣ.

(7)

на хи майхам̣ бра̄хман̣а, паччӯсамхи ин̣а̄йика̄;

детха детха̄ти чоденти, тена̄хам̣ бра̄хман̣а̄ сукхӣ.

пуччха̄ – иман̃ча пана̄вусо дхаммадесанам̣ сутва̄ со бха̄радва̄джаготто бра̄хман̣о имасмим̣ дхаммавинайе пасанно кӣдисам̣ пасанна̄ка̄рамака̄си. кӣва махантан̃ча имасмим̣ дхаммавинайе аттхам̣ сампа̄деси.

виссаджджана̄ – иман̃ча пана бханте дхаммадесанам̣ сутва̄ со бха̄радва̄джаготто бра̄хман̣о ‘‘абхиккантам̣ бхо готама абхиккантам̣ бхо готама, сеййатха̄пи бхоготама, никкуджджитам̣ ва̄ уккуджджеййа, пат̣иччханнам̣ ва̄ вивареййа, мӯл̣хасса ва̄ маггам̣ а̄чиккхеййа, андхака̄ре ва̄ телападжджотам̣ дха̄реййа, чаккхуманто рӯпа̄ни дуккхантӣ’’ти евама̄дина̄ имасми дхаммавинайе пасанно пасанна̄ка̄рамака̄си. бхагавато ча сантике ‘‘лабхеййа̄хам̣ бхото готамасса сантике паббаджам̣, лабхеййам̣ упасампада’’нти евама̄дина̄ паббаджджам̣ упасампадам̣ йа̄читва̄ ачирӯпасампанно йа̄ва арахатта̄ махантам̣ висесам̣ сампа̄деси.

касибха̄радва̄джасутта

пуччха̄ – таттха̄вусо ека̄дасамам̣ маха̄кассапа̄дӣхи пора̄н̣адхаммасам̣га̄хакатхерехи сам̣гӣтам̣ касибха̄радва̄джасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – магадхесу бханте даккхин̣а̄гирисмим̣ екана̄л̣а̄йам̣ бра̄хман̣ага̄ме касибха̄радва̄джам̣ бра̄хман̣ам̣ а̄раббха бха̄ситам̣. касибха̄радва̄джо бханте бра̄хман̣о бхагавантам̣ га̄тха̄йа аджджхабха̄си.

‘‘кассако пат̣иджа̄на̄си, на ча пасса̄ми те касим̣. кассако пуччхито брӯхи, катхам̣ джа̄нему там̣ каси’’нти. тасмим̣ бханте ваттхусмим̣–

‘‘саддха̄ бӣджам̣ тапо вут̣т̣хи, пан̃н̃а̄ ме йуганан̇галам̣;

хирӣ ӣса̄ мано йоттам̣, сати ме пха̄лапа̄чанам̣.

ка̄йагутто вачӣгутто, а̄ха̄ре ударе йато;

саччам̣ кароми нидда̄нам̣, сораччам̣ ме памочанам̣.

вӣрийам̣ ме дхурадхорайхам̣, йогаккхема̄дхива̄ханам̣;

гаччхати аниваттантам̣, йаттха гантва̄ на сочати.

евамеса̄ касӣ кат̣т̣ха̄, са̄ хоти аматаппхала̄;

етам̣ касим̣ каситва̄на, саббадуккха̄ памуччатӣ’’ти.

евам̣ кхо бханте бхагавата̄ бха̄ситам̣.

кассако пат̣иджа̄на̄си, на ча пасса̄ми те касим̣;

кассако пуччхито брӯхи, катхам̣ джа̄нему там̣ касим̣.

саддха̄ бӣджам̣ тапо вут̣т̣хи, пан̃н̃а̄ ме йуганан̇галам̣;

хирӣ ӣса̄ мано йоттам̣, сати ме пха̄лапа̄чанам̣.

пуччха̄ – иман̃ча пана̄вусо дхаммадесанам̣ сутва̄ со касибха̄радва̄джо бра̄хман̣о имасмим̣ дхаммавинайе пасанно кӣдисам̣ пасанна̄ка̄рамака̄си.

виссаджджана̄ – иман̃ча пана бханте дхаммадесанам̣ сутва̄ касибха̄радва̄джо бра̄хман̣о ‘‘абхиккантам̣ бхо готама, абхиккантам̣ бхо готама̄’’тиевама̄дина̄ имасмим̣ дхаммавинайе пасанно пасанна̄ка̄рамака̄си.

сеййатха̄пи бхо готама уккуджджитам̣ ва̄ никкуджджеййа.

удайасутта

пуччха̄ – удайасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте удайам̣ бра̄хман̣ам̣ а̄раббха бха̄ситам̣. удайо бханте бра̄хман̣о бхагавантам̣ етадавоча ‘‘пакат̣т̣хакойам̣ саман̣о готамо пунаппунам̣ а̄гаччхатӣ’’ти. тасмим̣ бханте ваттхусмим̣–

пунаппунан̃чева вапанти бӣджам̣, пунаппунам̣ вассати девара̄джа̄;

пунаппунам̣ кхеттам̣ касанти кассака̄, пунаппунам̣ дхан̃н̃амупети рат̣т̣хам̣.

евама̄дина̄ бханте бхагавата̄ бха̄ситам̣.

пунаппунам̣ чева вапанти бӣджам̣, пунаппунам̣ вассати дева ра̄джа̄;

пунаппунам̣ кхеттам̣ касанти кассака̄, пунаппунам̣ дхан̃н̃амупети рат̣т̣хам̣.

пунаппунам̣ йа̄чака̄ йа̄чайанти, пунаппунам̣ да̄напатӣ даданти;

пунаппунам̣ да̄напатӣ дадитва̄, пунаппунам̣ саггамупети т̣ха̄нам̣.

пунаппунам̣ кхӣраника̄ духанти, пунаппунам̣ ваччхо упети ма̄тарам̣;

пунаппунам̣ киламати пхандати ча, пунаппунам̣ габбхамупети мандо.

пунаппунам̣ джа̄йати мӣйати ча, пунаппунам̣ сиватхикам̣ харанти;

магган̃ча ладдха̄ апунаббхава̄йа, на пунаппунам̣ джа̄йати бхӯрипан̃н̃о-ху–

ма̄тупосакасутта

пуччха̄ – ма̄тупосакасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – са̄ваттхийам̣ бханте ма̄тупосакам̣ бра̄хман̣ам̣ а̄раббха бха̄ситам̣. ма̄тупосако бханте бра̄хман̣о бхагавантам̣ етадавоча ‘‘ахан̃хи бхо готама дхаммена бхиккхам̣ парийеса̄ми, дхаммена бхиккхам̣ парийеситва̄ ма̄та̄питаро посеми, качча̄хам̣ бхо готама евам̣ка̄рӣ киччака̄рӣ хомӣ’’ти, тасмим̣ бханте ваттхусмим̣ ‘‘таггха твам̣ бра̄хман̣а евам̣ка̄рӣ киччака̄рӣ хоси, йо кхо бра̄хман̣а дхаммена бхиккхам̣ парийесати, дхаммена бхиккхам̣ парийеситва̄ ма̄та̄питаро посети, бахум̣ со пун̃н̃ам̣ пасаватӣ’’ти евама̄дина̄ бханте бхагавата̄ бха̄сита̄.

йо ма̄тарам̣ ва̄ питарам̣ ва̄, маччо дхаммена посати;

та̄йа нам̣ па̄ричарийа̄йа, ма̄та̄питӯсу пан̣д̣ита̄;

идхева нам̣ пасам̣санти, печча сагге памодати–

кхомадуссасутта

пуччха̄ – тена̄вусо бхагавата̄…пе… самма̄самбуддхена бра̄хман̣асам̣йутте кхомадуссасуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – саккесу бханте кхомадуссе на̄ма сакйа̄нам̣ нигаме кхомадуссаке бра̄хман̣агахапатике а̄раббха бха̄сита, кхомадуссака̄ бханте бра̄хман̣агахапатика̄ бхагавантам̣ етадавочум̣ ‘‘ке ча мун̣д̣ака̄ саман̣ака̄, ке ча сабха̄дхаммам̣ джа̄ниссантӣ’’ти.

тасмим̣ бханте ваттхусмим̣–

‘‘неса̄ сабха̄ йаттха на санти санто,

санто на те йе на ваданти дхаммам̣;