ван̇гӣсасам̣йутта

а̄нандасутта

пуччха̄ – ван̇гӣсасам̣йутте пана̄вусо чатуттхам̣ сам̣н̇гӣтам̣ а̄нандасуттам̣ каттхакам̣ а̄раббха кисмим̣ ваттхусмим̣ кена катхан̃ча бха̄ситам̣.

виссаджджана̄ – са̄ваттхийам̣ бханте а̄йасмантам̣ ван̇гӣсаттхерам̣ а̄раббха а̄йасмата̄ а̄нандаттхерена дхаммабхан̣д̣а̄га̄рикена бха̄ситам̣. а̄йасмата̄ бханте ван̇гӣсо а̄йасмантам̣ а̄нандам̣ га̄тха̄йа аджджхабха̄си–

‘‘ка̄мара̄гена д̣айха̄ми, читтам̣ ме парид̣айхати;

са̄дху нибба̄панам̣ брӯхи, анукампа̄йа готама̄’’ти.

тасмим̣ бханте ваттхусмим̣–

‘‘сан̃н̃а̄йа випарийеса̄, читтам̣ те парид̣айхати;

нимиттам̣ париваджджехи, субхам̣ ра̄гӯпасам̣хитам̣;

сан̇кха̄ре парато пасса, дуккхато ма̄ ча аттато;

нибба̄пехи маха̄ра̄гам̣, ма̄ д̣айхиттхо пунаппунам̣;

асубха̄йа читтам̣ бха̄вехи, екаггам̣ сусама̄хитам̣;

сати ка̄йагата̄ тйаттху, ниббида̄бахуло бхава;

анимиттан̃ча бха̄вехи, ма̄на̄нусайамуджджаха;

тато ма̄на̄бхисамайа̄, упасанто чариссасӣ’’ти.

евам̣ кхо бханте а̄йасмата̄ а̄нандаттхерена дхаммабхан̣д̣а̄га̄рикена бха̄ситам̣.

ка̄мара̄гена д̣айха̄ми, читтам̣ ме парид̣айхати;

са̄дху нибба̄панам̣ брӯхи, анукампа̄йа готама–

сан̃н̃а̄йа випарийеса̄, читтам̣ те парид̣айхати;

нимиттам̣ париваджджехи, субхам̣ ра̄гӯпасам̣хитам̣.

сан̇кха̄ре паратопасса, дуккхато ма̄ ча аттато;

нибба̄пехи маха̄ра̄гам̣, ма̄ д̣айхиттхо пунаппунам̣.

асубха̄йа читтам̣ бха̄вехи, екаггам̣ сусама̄хитам̣;

сати ка̄йагата̄ тйаттху, ниббида̄бахуло бхава.

анимиттан̃ча бха̄вехи, ма̄на̄нусайамуджджаха;

тато ма̄на̄бхисамайа̄, упасанто чариссаси.

ван̇гӣсасутта

пуччха̄ – таттха а̄вусо два̄дасамам̣ ван̇гӣсасуттам̣ каттха кена катхан̃ча бха̄ситам̣.

виссаджджана̄ – са̄ваттхийам̣ бханте а̄йасмата̄ ван̇гӣсаттхерена ачира арахаттаппаттена вимуттисукхапат̣исам̣ведина̄–

‘‘ка̄веййаматта̄ вичаримха пуббе, га̄ма̄га̄мам̣ пура̄пурам̣,

атхаддаса̄ма самбуддхам̣, саддха̄ но упападжджатха;

со ме дхамма мадесеси, кхандха̄йатана дха̄туйо;

тасса̄хам̣ дхаммам̣ сутва̄на, паббаджим̣ анага̄рийам̣;

бахуннам̣ вата аттха̄йа, бодхим̣ аджджхагама̄ муни;

бхиккхӯнам̣ бхиккхӯнӣнан̃ча, йе нийа̄магатаддаса̄;

сва̄гатам̣ вата ме а̄си, мама буддхасса сантике;

тиссо виджджа̄ ануппатта̄, катам̣ буддхасса са̄санам̣;

пуббе нива̄сам̣ джа̄на̄ми, диббачаккхум̣ висодхитам̣;

тевиджджо иддхипаттомхи, четопарийа̄йа ковидо.

евам̣ кхо бханте уда̄навасена бха̄ситам̣.

ка̄веййа матта̄ вичаримха пуббе; га̄ма̄га̄мам̣пура̄пурам̣,

атхаддаса̄ма самбуддхам̣, саддха̄ но упападжджатха.

со ме дхаммамадесеси, кхандха̄йатана дха̄туйо;

тасса̄хам̣ дхаммам̣ сутва̄на, паббаджим̣ анага̄рийам̣.

бахуннам̣ вата аттха̄йа, бодхим̣ аджджхагама̄ муни;

бхиккхӯнам̣ бхиккхунӣ нан̃ча, йе нийа̄магатаддаса̄.

сва̄гатам̣ вата ме а̄си, мама буддхасса сантике;

тассо виджджа̄ ануппатта̄, катам̣ буддхасса са̄санам̣.

пуббенива̄сам̣ джа̄на̄ми; диббачаккху висодхитам̣;

тевиджджо иддхипаттомхи, четопарийа̄йаковидо.