йаккхасам̣йутта

индакасутта

пуччха̄ – йаккхасам̣йутте пана̄вусо пат̣хамам̣ сам̣гӣтам̣ индакасуттам̣ бхагавата̄ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – ра̄джагахе бханте индакӯт̣е паббате индакасса йаккхасса бхаване индакам̣ йаккхам̣ а̄раббха бха̄ситам̣. индако бханте йаккхо аттава̄до бхагавантам̣ упасан̇камитва̄ га̄тха̄йа аджджхабха̄си–

‘‘рӯпам̣ на джӣванти ваданти буддха̄,

катхам̣ нвайам̣ виндатимам̣ сарӣрам̣;

кутасса ат̣т̣хӣйакапин̣д̣амебхи,

катхам̣ нвайам̣ саджджати габбхарасми’’нти.

тасмим̣ бханте ваттхусмим̣–

‘‘пат̣хамам̣ калалам̣ хоти, калала̄ хоти аббудам̣,

аббуда̄ джа̄йате песи, песи ниббаттатӣ гхано;

гхана̄ паса̄кха̄ джа̄йанти, кеса̄ лома̄ накха̄пича;

йан̃часса бхун̃джатӣ ма̄та̄, аннам̣ па̄нан̃ча бходжанам̣;

тена со таттха йа̄пети, ма̄тукуччхигатонаро’’ти.

евам̣ кхо бханте бхагавата̄ бха̄ситам̣.

а̄л̣авакасутта

пуччха̄ – тена̄вусо бхагавата̄…пе… самма̄самбуддхена йаккхасам̣йутте а̄л̣авакасуттам̣ каттха кам̣ а̄раббха кисмим̣ ваттхусмим̣ катхан̃ча бха̄ситам̣.

виссаджджана̄ – а̄л̣авийам̣ бханте а̄л̣авакасса йаккхасса бхаване а̄л̣авакам̣ йаккхам̣ а̄раббха бха̄ситам̣. а̄л̣авако бханте йаккхо бхагавантам̣ га̄тха̄йа аджджхабха̄си–

ким̣ сӯдхавиттам̣ пурисасса сет̣т̣хам̣,

ким̣ су сучин̣н̣ам̣ сукхама̄ваха̄ти;

ким̣ су хаве са̄дутарам̣ раса̄нам̣,

катхам̣ джӣвим̣ джӣвита̄ма̄ху сет̣т̣ханти.

тасмим̣ бханте ваттхусмим̣–

саддхӣча виттам̣ пурисасса сет̣т̣хам̣,

дхаммо сучин̣н̣о сукхама̄ваха̄ти;

саччам̣ хаве са̄дутарам̣ раса̄нам̣,

пан̃н̃а̄джӣвим̣ джӣвитама̄ху сет̣т̣ханти.

евама̄дина̄ бханте бхагавата̄ бха̄ситам̣.

на кхва̄хам̣ там̣ а̄вусо никкхамисса̄ми, йам̣ те каран̣ӣйам̣, там̣ карохи,

пан̃хам̣ там̣ саман̣а пуччхисса̄ми, саче ме на бйа̄кариссаси, читтам̣ ва̄ те кхиписса̄ми, хадайам̣ ва̄ те пха̄лесса̄ми, па̄десу ва̄ гахетва̄ па̄раган̇га̄йа кхиписса̄ми–

ким̣ сӯкха виттам̣ пурисасса сет̣т̣хам̣, ким̣ су сучин̣н̣ам̣ сукхама̄ваха̄ти;

ким̣ су хаве са̄дубхарам̣ раса̄нам̣, катхам̣ джӣвим̣ джӣвитама̄ху сет̣т̣хам̣–

саддхӣдха виттам̣ пурисасса сет̣т̣хам̣, дхаммо сучин̣н̣о сукхама̄ваха̄ти;

саччам̣ хаве са̄дутарам̣ раса̄нам̣, пан̃н̃а̄джӣвим̣ джӣвитама̄ху сет̣т̣хам̣;

катхам̣су тарати огхам̣, катхам̣су тарати ан̣н̣авам̣;

катхам̣су дуккха маччети, катхам̣су парисуджджхати.

саддха̄йа тарати огхам̣, аппама̄дена ан̣н̣авам̣;

вӣрийена дуккха маччети, пан̃н̃а̄йа парисуджджхати–

катхам̣су лабхате пан̃н̃ам̣, катхам̣су виндате дханам̣;

катхам̣су киттим̣ паппоти, катхам̣ митта̄ни гантхати;

асма̄ лока̄ парам̣ локам̣, катхам̣ печча на сочати–

саддаха̄но арахатам̣, дхаммам̣ нибба̄напаттийа̄;

суссӯсам̣ лабхате пан̃н̃ам̣, аппаматто вичаккхан̣о;

патирӯпака̄рӣ дхурава̄, ут̣т̣ха̄та̄ виндате дханам̣;

саччена киттим̣ паппоти, дадам̣ митта̄ни гантхати;

асма̄ лока̄ парам̣ локам̣, евам̣ печча на сочати;

йассете чатуро дхамма̄, саддхасса гхарамесино;

саччам̣ дхаммо дхити ча̄го, са ве печчана сочати–