117. са̄сасса сиса ва̄

са̄сасса сиса ва̄ хоти ка̄нубандхе. пуббарӯпам̣, са̄сӣйатӣти сиссо.

сиддха̄ еве+те табба̄дайо песа̄+тисагга+ппаттака̄лесу гамйама̄несупи, са̄ман̃н̃ена видха̄нато. песанам̣ – ‘‘каттабба+мидам̣ бхавата̄’’ти а̄н̣а̄панам̣ аджджхесанан̃ча. атисагго на̄ма ‘‘ки+мидам̣ майа̄ каттаббам̣’’ти пут̣т̣хасса ‘‘па̄н̣о на хантаббо’’тиа̄дина̄ пат̣ипаттидассанамукхена каттаббасса анун̃н̃а̄. паттака̄ло на̄ма сампаттасамайо. йо киччакаран̣асамайам̣ упапариккхитва̄ кароти, тасса самайа̄рочанам̣, на таттха аджджхесана+маттхи. бхота̄ кхалу кат̣о каттаббо каран̣ӣйо ка̄рийо киччо’’ евам̣ твайа̄ кат̣о каттаббо, бхото хи патто ка̄ло кат̣акаран̣е.

евам̣ уддхамухуттепи ваттама̄нато песа̄дӣсу сиддха̄ ева. татха̄ арахе каттари саттивисит̣т̣хе ча патӣйама̄не, а̄вассака̄+дхамӣн̣ата̄висит̣т̣хе ча бха̄ва̄до сиддха̄. уддхам̣ мухуттато-бхота̄ кат̣о каттаббо. бхота̄ раджджам̣ ка̄таббам̣, бхавам̣ арахо. бхота̄ бха̄ро вахитаббо, бхавам̣ сакко. бхота̄ авассам̣ кат̣о каттаббо. бхота̄ никкхо да̄таббо.