49. кйасса ссе

кйасса ва̄ лопо хоти ссе. сукхам̣ тайа̄ анубхависсати, анубхависсанти. анубхависсаси, анубхависсатха. анубхависса̄ми, анубхависса̄ма. ан̃н̃атра анубхӯйиссати, анубхӯйиссанти ичча̄ди. евам̣ параччхакке. бха̄ве-бхӯйиссати бхӯйиссате.

каттари-пачиссати, пачиссанти ичча̄ди. камме-пачиссати одано девадаттена, пачӣйиссати, паччиссати. паччиссанти одана̄ пачӣйиссанти, пачӣйиссаре, паччиссаре, паччиссанти.

гамито каттари-со гаччхиссати, те гаччхиссанти. твам̣ гаччхиссаси, тумхе гаччхиссатха. ахам̣ гаччхисса̄ми, майам̣ гаччхисса̄ма. гаччхиссате, гаччхиссанте. гаччхиссасе, гаччхиссавхе. гаччхиссам̣, гаччхисса̄мхе. саггам̣ гамиссати, гамиссанти. гамиссаси, гамиссатха. гамисса̄ми, гамисса̄ма ичча̄ди. камме-гаччхийиссати, гаччхийиссанти ичча̄ди. кйалопе гамиссати, гамиссанти ичча̄ди. татха̄ гхаммиссати гхаммӣйиссати, гхаммиссанти, гхаммӣйиссанти ичча̄ди.