3. на̄ме гараха̄вимхайесу

на̄масадде нипа̄те сати гараха̄йам̣ вимхайе ча гамйама̄не ссатйа̄дайо хонти. име хи на̄ма калйа̄н̣адхамма̄ пат̣иджа̄ниссанти. еттха ‘‘джйа̄дӣхи кна̄’’ти кна̄викаран̣е ‘‘н̃а̄ссане джа̄’’ти джа̄десо. на хи на̄ма бхиккхаве тасса могхапурисасса па̄н̣есу ануддайа̄ бхависсати. катхан̃хи на̄ма со бхиккхаве могхапурисо саббаматтика̄майам̣ кут̣икам̣ кариссати. вимхайе-аччхарийам̣ вата бхо, аббхутам̣ вата бхо, сантена вата бхо паббаджита̄ виха̄рена вихаранти, йатра хи на̄ма сан̃н̃ӣ сама̄но джа̄гаро пан̃чаматта̄ни сакат̣асата̄ни нисса̄йа нисса̄йа атикканта̄ни нева даккхити, на пана саддам̣ соссати. аччхарийам̣ андхо на̄ма паббата+ма̄рохиссати, бадхиро на̄ма саддам̣ соссати. (бхависсантипаччайанайо).