59. тасса бха̄вакаммесутта+та̄+ттана+н̣йа+н̣еййа+н̣и+йа+н̣ийа̄

чхат̣т̣хийанта̄ бха̄ве камме ча тта̄дайо хонти бахулам̣. на саббе паччайа̄ саббато хонти ан̃н̃атратта+та̄хи. бхаванти етасма̄ буддхисадда̄ти бха̄во саддапаваттинимиттам̣. вуттан̃ча –

хонтйа+сма̄ саддабуддхӣти, бха̄во там̣ саддавуттийа̄;

нимиттабхӯтам̣ на̄ман̃ча, джа̄ти даббам̣ крийа̄ гун̣оти.

нӣласса пат̣асса бха̄во нӣлаттам̣ нӣлата̄ти гун̣о бха̄во. еттха нӣлагун̣авасена пат̣е нӣласаддасса вуттийа̄ пат̣абуддхийа̄ нимиттам̣ бха̄во на̄ма. нӣласса гун̣асса бха̄во нӣлаттам̣ нӣлата̄ти нӣлагун̣аджа̄ти, еттха нӣлагун̣аджа̄ти нимиттам̣ хутва̄ нӣласаддасса гун̣авуттийа̄ нӣлагун̣аджа̄ти нимиттам̣. готтам̣ гота̄ти годжа̄ти, еттха джа̄тисадда̄нам̣ даббавуттийа̄ сати джа̄ти нимиттам̣. па̄чакасса бха̄во па̄чакаттам̣ти крийа̄самбандхиттам̣ бха̄во, еттха пачанакрийа̄самбандхиттам̣ бха̄во. дан̣д̣иттам̣ виса̄н̣иттам̣ ра̄джапурисаттам̣ти дан̣д̣а+виса̄н̣а+ра̄джадабба̄нам̣ самбандхиттам̣ бха̄во, дан̣д̣ӣтйа̄дисаддапаваттийа̄ нимиттатта̄.

девадаттасса бха̄во девадаттаттам̣, чандаттам̣, сӯрийаттам̣ти тадаваттха̄ висесаса̄ман̃н̃ам̣, девадаттасса ба̄лата̄диаваттха̄бхедо, чандасса кала̄диаваттхабхедо ча, сӯрийасса мандапат̣ута̄диаваттха̄бхедо ча са̄ман̃н̃ам̣, тадеттха нимиттам̣. еттха виджджама̄нападаттха̄нам̣ висайабхӯтасан̃н̃а̄садда̄нам̣ паваттинимиттам̣ вуттам̣. а̄ка̄саттам̣ абха̄ваттам̣ти, таттха гхат̣а̄ка̄са+пӣт̣хара̄ка̄са, пат̣а̄бха̄ва+гхат̣а̄бха̄ва̄дина̄ упачаритабхедаса̄ман̃н̃ам̣ бха̄во.

ттана-путхуджджанаттанам̣. ведана̄йа бха̄во веданаттанам̣, рассо. евам̣ джа̄йаттанам̣, джа̄раттанам̣.

н̣йа-аласасса бха̄во каммам̣ ва̄ а̄ласйам̣, еттха ‘‘лопо+ван̣н̣и+ван̣н̣а̄нам̣’’ти а-лопе ‘‘сара̄на+ма̄дисса̄’’дина̄ а̄ка̄ро, ева+мупари ча. бра̄хман̣асса бха̄во брахман̃н̃ам̣, н̃н̃ака̄рапуббарӯпа̄ни. ча̄палйам̣, непун̃н̃ам̣, песун̃н̃ам̣, ран̃н̃о бха̄во раджджам̣, а̄дхипаччам̣, да̄йаджджам̣, весаммам̣, весамам̣, н̣апаччайо. сакхино бха̄во сакхйам̣, ва̄н̣иджджам̣, а̄рогйам̣, одагйам̣, а̄нан̣йам̣, дуббалйам̣, балйам̣, пан̣д̣иччам̣, ба̄хуссаччам̣, порохиччам̣. мут̣т̣хассатисса бха̄во мут̣т̣хассаччам̣, илопо. косаллам̣, вепуллам̣. сама̄насса бха̄во са̄ман̃н̃ам̣, периссам̣, соманассам̣, доманассам̣, совачассам̣, довачассам̣, нипакасса бха̄во непаккам̣, а̄дхиккам̣, дубхагасса бха̄во добхаггам̣, сарӯпасса бха̄во са̄руппам̣, опаммам̣, сокхуммам̣, татхасса бха̄во таччхам̣. думмедхасса бха̄во думмеджджхам̣. бхесаджасса бха̄во бхесаджджам̣, бйа̄ват̣асса каммам̣ веййа̄ваччам̣ йатха̄ веййа̄каран̣ам̣.

н̣еййа-сучино бха̄во сочеййам̣, а̄дхипатеййам̣, каписса бха̄во ка̄пеййам̣. сат̣хасса бха̄во каммам̣ ва̄ са̄т̣хеййам̣.

н̣а-гарӯнам̣ бха̄во га̄равам̣, у аван̇а. па̄т̣авам̣, аджджавам̣, маддавам̣, ‘‘косаджджа̄’’дина̄ усса аттам̣ двиттан̃ча. парама̄нам̣ бха̄во па̄рамӣ, вӣпаччайо. самагга̄нам̣ бха̄во са̄маггӣ.

ийа-адхипатино бха̄во адхипатийам̣, пан̣д̣итийам̣, бахуссутийам̣, наггийам̣, сӯрийам̣.

н̣ийа-аласасса бха̄во каммам̣ ва̄ а̄ласийам̣, та̄лусийам̣, мандийам̣, даккхийам̣, порохитийам̣, веййаттийам̣.

катхам̣ ра̄ман̣ӣйакам̣ти, сакаттхе канта̄ н̣ена сиддха̄. каммам̣=крийа̄, таттха аласасса каммам̣ аласаттам̣ аласата̄ аласаттанам̣ а̄ласйам̣ а̄ласийам̣ ва̄.