29. тена катам̣ кӣтам̣ баддха+мабхисан̇кхатам̣ сам̣сат̣т̣хам̣ хатам̣ ханти джитам̣ джайати диббати кханати тарати чарати вахати джӣватити

ката̄дӣсва+ттхесу н̣ико. ка̄йена катам̣ ка̄йикам̣, ва̄часикам̣, ма̄насикам̣ти сака̄гамо. ва̄тена като а̄ба̄дхо ва̄тито, семхико, питтико. сатена кӣтам̣ са̄тикам̣, са̄хассикам̣, ваттхена кӣтам̣ ваттхикам̣, кумбхикам̣, сован̣н̣икам̣, гха̄тикам̣. мӯлатова паччайо, амӯлава̄читта̄ девадаттена кӣтоти на хоти, тадаттха̄ппатӣтийа̄. вараттха̄йа баддхо ва̄раттико, а̄йасико, па̄сико, суттико. гхатена абхисан̇кхатам̣ сам̣сат̣т̣хам̣ ва̄ гха̄тикам̣, гол̣икам̣, дадхикам̣, ма̄рӣчикам̣. джа̄лена хато хантӣти ва̄ джа̄лико, ба̄лисико. аккхехи джитам̣ аккхикам̣ дханам̣, са̄ла̄кикам̣, тиндукико, амбапхалико. аккхехи джайати диббати ва̄ аккхико. кхан̣иттийа̄ кханатӣти кха̄н̣иттико, кудда̄лико. девадаттена джитам̣, ан̇гулйа̄ кханатӣти на хоти, тадаттха̄навагама̄. ул̣умпена таратӣти ол̣умпико, ул̣умпикоти ико. куллико, гопуччхико, на̄вико. сакат̣ена чаратӣти са̄кат̣ико, ратхико. параппикоти ико. кхандхена вахатӣти кхандхико. ам̣сико, сӣсикоти ико. ветанена джӣватӣти ветанико, бхатико, кайико, виккайико, кайавиккайикоти ико.