25. кан̣а+н̣еййа+н̣еййака+йи+йа̄ти

бхаваттхе кан̣аа̄дайо хонти. кан̣а-кусина̄ра̄йам̣ бхаво косина̄рако, ма̄гадхако, а̄ран̃н̃ако виха̄ро, ра̄джагахако, косамбако, индапаттако, ка̄пилако, бха̄рукаччхако, на̄гарако. ан̇гесу джа̄то ан̇гако, косалако, ведехако, камбоджако, гандха̄рако, совӣрако, синдхавако, ассако ичча̄ди. н̣еййа-ган̇геййо, паббатеййо, ва̄неййо. н̣еййака-косалеййако, ба̄ра̄н̣асеййако, чампеййако, сила̄йа джа̄там̣ селеййакам̣, митхилеййако. ба̄ра̄н̣асеййакотйа̄дӣсу ‘‘диссанта+н̃н̃епи паччайа̄’’ти еййако, евам̣ упари сутте дасситапаччайато висум̣ паччайе дассите имина̄ суттена̄ти дат̣т̣хаббам̣. йа-гаммо, йамхи ака̄ралопе пуббарӯпам̣ рассо ча. диббо. ийа-ударийо, дивийо, пан̃ча̄лийо, бодхипаккхийо, локийо.