125. имасса̄+ниттхийам̣ т̣е

имасса̄+ниттхийам̣ т̣е хоти ва̄ су+нам̣+хису. ‘‘на̄маггахан̣е лин̇гависит̣т̣хасса̄пи гахан̣ам̣’’ти н̃а̄йа̄ ‘аниттхийам̣’ти иттхилин̇ганиседха̄ имасса̄ти на̄маггахан̣ависайе лин̇гависеситасса имасаддасса̄пи гахан̣ам̣. тасса пхалам̣ ‘‘татасса но сабба̄су’’ тйа̄до лин̇гаттайе ка̄рийасиддхи. ехи ебхи имехи имебхи. ‘‘т̣а сасма̄сми’’мичча̄дина̄ саббасси+масса ва̄ т̣а̄десе асса имасса, ва̄ т̣е есам̣ еса̄нам̣ имесам̣ имеса̄нам̣. амха̄ асма̄ имамха̄ имасма̄. амхи асмим̣ имамхи имасмим̣, есу имесу.

иттхийам̣ айам̣, има̄ има̄йо. имам̣, има̄ има̄йо. на̄ ‘‘сса̄ ва̄ те+ти+ма̄+мӯхӣ’’ти сса̄ ва̄, ва̄ т̣а̄десе ‘‘сса’’ мичча̄дина̄ иа̄десе ча кате асса̄ имисса̄ има̄йа, има̄хи има̄бхи. асса̄ имисса̄ асса̄йа имисса̄йа има̄йа. нам̣вачанасса са+ма̄десе имасса ча ва̄ т̣а̄десе асса ‘‘сунам̣хи сӯ’’ти дӣгхе ча кате а̄сам̣, ан̃н̃атра има̄сам̣ има̄са̄нам̣. саттамийам̣ ассам̣ имиссам̣ асса̄ имисса̄ има̄йам̣ има̄йа, има̄су.

напум̣саке –