22. кваче

квачисаддасса пайоганийаманаттхо ‘‘паро квичӣ’’ти (1-27) еттха вуттанайена ведитаббо. ависесена уда̄харан̣епӣти паресам̣ вийа ‘‘чха̄йа̄’’ти (2-2-73) суттайитва̄ викаппена ‘(куд̣д̣аччха̄йа) куд̣д̣аччха̄йа̄ти ча ‘‘ба̄хулле’’ти (чам̣, 2-2-74) суттайитва̄ ниччам̣ ‘уччхуччха̄йам̣ салабхаччха̄йа’нти ча нода̄харитва̄ са̄ман̃н̃ена ‘салабхаччха̄йам̣ сакунтаччха̄йа’нти уда̄харан̣е дасситепи. ан̃н̃аттха̄ти бахулабха̄вато ан̃н̃аттха. виггахасаматтасса̄ти виггахаса̄ман̃н̃асса, йатха̄самбхаванти па̄са̄дасса чха̄йа̄ичча̄дина̄ самбхава̄натиккамена, садда̄ти саддато пара̄йа.