5. пан̃н̃а̄суттам̣

25. ‘‘йато кхо, бхиккхаве, бхиккхуно пан̃н̃а̄йа читтам̣ супаричитам̣ хоти, тассетам̣, бхиккхаве, бхиккхуно каллам̣ вачана̄йа – ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄ти паджа̄на̄мӣ’’’ти.

‘‘катхан̃ча, бхиккхаве, бхиккхуно пан̃н̃а̄йа читтам̣ супаричитам̣ хоти? ‘вӣтара̄гам̣ ме читта’нти пан̃н̃а̄йа читтам̣ супаричитам̣ хоти; ‘вӣтадосам̣ ме читта’нти пан̃н̃а̄йа читтам̣ супаричитам̣ хоти; ‘вӣтамохам̣ ме читта’нти пан̃н̃а̄йа читтам̣ супаричитам̣ хоти; ‘асара̄гадхаммам̣ ме читта’нти пан̃н̃а̄йа читтам̣ супаричитам̣ хоти; ‘асадосадхаммам̣ ме читта’нти пан̃н̃а̄йа читтам̣ супаричитам̣ хоти; ‘асамохадхаммам̣ ме читта’нти пан̃н̃а̄йа читтам̣ супаричитам̣ хоти; ‘ана̄ваттидхаммам̣ ме читтам̣ ка̄мабхава̄йа̄’ти пан̃н̃а̄йа читтам̣ супаричитам̣ хоти; ‘ана̄ваттидхаммам̣ ме читтам̣ рӯпабхава̄йа̄’ти пан̃н̃а̄йа читтам̣ супаричитам̣ хоти; ‘ана̄ваттидхаммам̣ ме читтам̣ арӯпабхава̄йа̄’ти пан̃н̃а̄йа читтам̣ супаричитам̣ хоти. йато кхо, бхиккхаве, бхиккхуно пан̃н̃а̄йа читтам̣ супаричитам̣ хоти, тассетам̣, бхиккхаве, бхиккхуно каллам̣ вачана̄йа – ‘кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄ти паджа̄на̄мӣ’’’ти. пан̃чамам̣.