2. ниссайасуттам̣

2. атха кхо ан̃н̃атаро бхиккху йена бхагава̄ тенупасан̇ками; упасан̇камитва̄ бхагавантам̣…пе… екамантам̣ нисинно кхо со бхиккху бхагавантам̣ етадавоча – ‘‘‘ниссайасампанно ниссайасампанно’ти, бханте, вуччати. китта̄вата̄ ну кхо, бханте, бхиккху ниссайасампанно хотӣ’’ти? ‘‘саддхам̣ че, бхиккху, бхиккху нисса̄йа акусалам̣ паджахати кусалам̣ бха̄вети, пахӣнамевасса там̣ акусалам̣ хоти. хирим̣ че, бхиккху, бхиккху нисса̄йа…пе… оттаппам̣ че, бхиккху, бхиккху нисса̄йа…пе… вӣрийам̣ че, бхиккху, бхиккху нисса̄йа…пе… пан̃н̃ам̣ че, бхиккху, бхиккху нисса̄йа акусалам̣ паджахати кусалам̣ бха̄вети, пахӣнамевасса там̣ акусалам̣ хоти. там̣ хисса бхиккхуно акусалам̣ пахӣнам̣ хоти суппахӣнам̣, йам̣са арийа̄йа пан̃н̃а̄йа дисва̄ пахӣнам̣’’.

‘‘тена ча пана, бхиккху, бхиккхуна̄ имесу пан̃часу дхаммесу патит̣т̣ха̄йа чатта̄ро упанисса̄йа виха̄табба̄. катаме чатта̄ро? идха, бхиккху, бхиккху сан̇кха̄йекам̣ пат̣исевати, сан̇кха̄йекам̣ адхива̄сети, сан̇кха̄йекам̣ париваджджети, сан̇кха̄йекам̣ винодети. евам̣ кхо, бхиккху, бхиккху ниссайасампанно хотӣ’’ти. дутийам̣.