7. саппурисада̄насуттам̣

37. ‘‘ат̣т̣хима̄ни, бхиккхаве, саппурисада̄на̄ни. катама̄ни ат̣т̣ха? сучим̣ дети, пан̣ӣтам̣ дети, ка̄лена дети, каппийам̣ дети, вичеййа дети, абхин̣хам̣ дети, дадам̣ читтам̣ паса̄дети, датва̄ аттамано хоти. има̄ни кхо, бхиккхаве, ат̣т̣ха саппурисада̄на̄нӣ’’ти.

‘‘сучим̣ пан̣ӣтам̣ ка̄лена, каппийам̣ па̄набходжанам̣;

абхин̣хам̣ дада̄ти да̄нам̣, сукхеттесу [сукхетте (сӣ. пӣ.)] брахмача̄рису.

‘‘нева [на ча (сӣ. пӣ.)] виппат̣иса̄рисса, чаджитва̄ а̄мисам̣ бахум̣;

евам̣ динна̄ни да̄на̄ни, ван̣н̣айанти випассино.

‘‘евам̣ йаджитва̄ медха̄вӣ, саддхо муттена четаса̄;

абйа̄баджджхам̣ [абйа̄паджджхам̣ (ка.) а. ни. 4.40; 6.37] сукхам̣ локам̣, пан̣д̣ито упападжджатӣ’’ти. саттамам̣;