6. пун̃н̃акирийаваттхусуттам̣

36. ‘‘тӣн̣има̄ни, бхиккхаве, пун̃н̃акирийаваттхӯни. катама̄ни тӣн̣и? да̄намайам̣ пун̃н̃акирийаваттху [пун̃н̃акирийаваттхум̣ (сӣ. пӣ.) евамупарипи], сӣламайам̣ пун̃н̃акирийаваттху, бха̄вана̄майам̣ пун̃н̃акирийаваттху. идха, бхиккхаве, екаччасса да̄намайам̣ пун̃н̃акирийаваттху париттам̣ катам̣ хоти, сӣламайам̣ пун̃н̃акирийаваттху париттам̣ катам̣ хоти, бха̄вана̄майам̣ пун̃н̃акирийаваттхум̣ [пун̃н̃акирийаваттху (сйа̄.)] на̄бхисамбхоти. со ка̄йасса бхеда̄ парам̣ маран̣а̄ мануссадобхагйам̣ упападжджати.

‘‘идха пана, бхиккхаве, екаччасса да̄намайам̣ пун̃н̃акирийаваттху маттасо катам̣ хоти, сӣламайам̣ пун̃н̃акирийаваттху маттасо катам̣ хоти, бха̄вана̄майам̣ пун̃н̃акирийаваттхум̣ на̄бхисамбхоти. со ка̄йасса бхеда̄ парам̣ маран̣а̄ мануссасобхагйам̣ упападжджати.

‘‘идха пана, бхиккхаве, екаччасса да̄намайам̣ пун̃н̃акирийаваттху адхиматтам̣ катам̣ хоти, сӣламайам̣ пун̃н̃акирийаваттху адхиматтам̣ катам̣ хоти, бха̄вана̄майам̣ пун̃н̃акирийаваттхум̣ на̄бхисамбхоти. со ка̄йасса бхеда̄ парам̣ маран̣а̄ ча̄тумаха̄ра̄джика̄нам̣ дева̄нам̣ сахабйатам̣ упападжджати. татра, бхиккхаве, чатта̄ро маха̄ра̄джа̄но да̄намайам̣ пун̃н̃акирийаваттхум̣ атирекам̣ каритва̄, сӣламайам̣ пун̃н̃акирийаваттхум̣ атирекам̣ каритва̄, ча̄тумаха̄ра̄джике деве дасахи т̣ха̄нехи адхиган̣ханти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехи.

‘‘идха пана, бхиккхаве, екаччасса да̄намайам̣ пун̃н̃акирийаваттху адхиматтам̣ катам̣ хоти, сӣламайам̣ пун̃н̃акирийаваттху адхиматтам̣ катам̣ хоти, бха̄вана̄майам̣ пун̃н̃акирийаваттхум̣ на̄бхисамбхоти. со ка̄йасса бхеда̄ парам̣ маран̣а̄ та̄ватим̣са̄нам̣ дева̄нам̣ сахабйатам̣ упападжджати. татра, бхиккхаве, сакко дева̄наминдо да̄намайам̣ пун̃н̃акирийаваттхум̣ атирекам̣ каритва̄ сӣламайам̣ пун̃н̃акирийаваттхум̣ атирекам̣ каритва̄ та̄ватим̣се деве дасахи т̣ха̄нехи адхиган̣ха̄ти – диббена а̄йуна̄…пе… диббехи пхот̣т̣хаббехи.

‘‘идха пана, бхиккхаве, екаччасса да̄намайам̣ пун̃н̃акирийаваттху адхиматтам̣ катам̣ хоти, сӣламайам̣ пун̃н̃акирийаваттху адхиматтам̣ катам̣ хоти, бха̄вана̄майам̣ пун̃н̃акирийаваттхум̣ на̄бхисамбхоти. со ка̄йасса бхеда̄ парам̣ маран̣а̄ йа̄ма̄нам̣ дева̄нам̣ сахабйатам̣ упападжджати. татра, бхиккхаве, суйа̄мо девапутто да̄намайам̣ пун̃н̃акирийаваттхум̣ атирекам̣ каритва̄, сӣламайам̣ пун̃н̃акирийаваттхум̣ атирекам̣ каритва̄, йа̄ме деве дасахи т̣ха̄нехи адхиган̣ха̄ти – диббена а̄йуна̄…пе… диббехи пхот̣т̣хаббехи.

‘‘идха пана, бхиккхаве, екаччасса да̄намайам̣ пун̃н̃акирийаваттху адхиматтам̣ катам̣ хоти, сӣламайам̣ пун̃н̃акирийаваттху адхиматтам̣ катам̣ хоти, бха̄вана̄майам̣ пун̃н̃акирийаваттхум̣ на̄бхисамбхоти. со ка̄йасса бхеда̄ парам̣ маран̣а̄ тусита̄нам̣ дева̄нам̣ сахабйатам̣ упападжджати. татра, бхиккхаве, сантусито девапутто да̄намайам̣ пун̃н̃акирийаваттхум̣ атирекам̣ каритва̄, сӣламайам̣ пун̃н̃акирийаваттхум̣ атирекам̣ каритва̄, тусите деве дасахи т̣ха̄нехи адхиган̣ха̄ти – диббена а̄йуна̄…пе… диббехи пхот̣т̣хаббехи.

‘‘идха пана, бхиккхаве, екаччасса да̄намайам̣ пун̃н̃акирийаваттху адхиматтам̣ катам̣ хоти, сӣламайам̣ пун̃н̃акирийаваттху адхиматтам̣ катам̣ хоти, бха̄вана̄майам̣ пун̃н̃акирийаваттхум̣ на̄бхисамбхоти. со ка̄йасса бхеда̄ парам̣ маран̣а̄ нимма̄наратӣнам̣ дева̄нам̣ сахабйатам̣ упападжджати. татра, бхиккхаве, суниммито девапутто да̄намайам̣ пун̃н̃акирийаваттхум̣ атирекам̣ каритва̄, сӣламайам̣ пун̃н̃акирийаваттхум̣ атирекам̣ каритва̄, нимма̄наратӣдеве дасахи т̣ха̄нехи адхиган̣ха̄ти – диббена а̄йуна̄…пе… диббехи пхот̣т̣хаббехи.

‘‘идха пана, бхиккхаве, екаччасса да̄намайам̣ пун̃н̃акирийаваттху адхиматтам̣ катам̣ хоти, сӣламайам̣ пун̃н̃акирийаваттху адхиматтам̣ катам̣ хоти, бха̄вана̄майам̣ пун̃н̃акирийаваттхум̣ на̄бхисамбхоти. со ка̄йасса бхеда̄ парам̣ маран̣а̄ параниммитавасаваттӣнам̣ дева̄нам̣ сахабйатам̣ упападжджати. татра, бхиккхаве, васаваттӣ девапутто да̄намайам̣ пун̃н̃акирийаваттхум̣ атирекам̣ каритва̄, сӣламайам̣ пун̃н̃акирийаваттхум̣ атирекам̣ каритва̄, параниммитавасаваттӣдеве дасахи т̣ха̄нехи адхиган̣ха̄ти – диббена а̄йуна̄, диббена ван̣н̣ена, диббена сукхена, диббена йасена, диббена а̄дхипатеййена, диббехи рӯпехи, диббехи саддехи, диббехи гандхехи, диббехи расехи, диббехи пхот̣т̣хаббехи. има̄ни кхо, бхиккхаве, тӣн̣и пун̃н̃акирийаваттхӯнӣ’’ти. чхат̣т̣хам̣.