3. да̄наваттхусуттам̣

33. ‘‘ат̣т̣хима̄ни, бхиккхаве, да̄наваттхӯни. катама̄ни ат̣т̣ха? чханда̄ да̄нам̣ дети, доса̄ да̄нам̣ дети, моха̄ да̄нам̣ дети, бхайа̄ да̄нам̣ дети, ‘диннапуббам̣ катапуббам̣ питупита̄махехи, на̄раха̄ми пора̄н̣ам̣ кулавам̣сам̣ ха̄пету’нти да̄нам̣ дети, ‘има̄хам̣ да̄нам̣ датва̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджисса̄мӣ’ти да̄нам̣ дети, ‘имам̣ ме да̄нам̣ дадато читтам̣ пасӣдати, аттаманата̄ соманассам̣ упаджа̄йатӣ’ти да̄нам̣ дети, читта̄лан̇ка̄рачиттапариккха̄раттхам̣ да̄нам̣ дети. има̄ни кхо, бхиккхаве, ат̣т̣ха да̄наваттхӯнӣ’’ти. татийам̣.