5. па̄риччхаттакасуттам̣

69. ‘‘йасмим̣, бхиккхаве, самайе дева̄нам̣ та̄ватим̣са̄нам̣ па̄риччхаттако ковил̣а̄ро пан̣д̣упала̄со хоти, аттамана̄, бхиккхаве, дева̄ та̄ватим̣са̄ тасмим̣ самайе хонти – ‘пан̣д̣упала̄со да̄ни па̄риччхаттако ковил̣а̄ро начирассева да̄ни паннапала̄со бхависсатӣ’’’ти.

‘‘йасмим̣, бхиккхаве, самайе дева̄нам̣ та̄ватим̣са̄нам̣ па̄риччхаттако ковил̣а̄ро паннапала̄со хоти, аттамана̄, бхиккхаве, дева̄ та̄ватим̣са̄ тасмим̣ самайе хонти – ‘паннапала̄со да̄ни па̄риччхаттако ковил̣а̄ро начирассева да̄ни джа̄лакаджа̄то бхависсатӣ’’’ти.

‘‘йасмим̣, бхиккхаве, самайе дева̄нам̣ та̄ватим̣са̄нам̣ па̄риччхаттако ковил̣а̄ро джа̄лакаджа̄то хоти, аттамана̄, бхиккхаве, дева̄ та̄ватим̣са̄ тасмим̣ самайе хонти – ‘джа̄лакаджа̄то да̄ни па̄риччхаттако ковил̣а̄ро начирассева да̄ни кха̄ракаджа̄то бхависсатӣ’’’ти.

‘‘йасмим̣, бхиккхаве, самайе дева̄нам̣ та̄ватим̣са̄нам̣ па̄риччхаттако ковил̣а̄ро кха̄ракаджа̄то хоти, аттамана̄, бхиккхаве, дева̄ та̄ватим̣са̄ тасмим̣ самайе хонти – ‘кха̄ракаджа̄то да̄ни па̄риччхаттако ковил̣а̄ро начирассева да̄ни кут̣умалакаджа̄то [куд̣умалакаджа̄то (сӣ. сйа̄. пӣ.)] бхависсатӣ’’’ти.

‘‘йасмим̣, бхиккхаве, самайе дева̄нам̣ та̄ватим̣са̄нам̣ па̄риччхаттако ковил̣а̄ро кут̣умалакаджа̄то хоти, аттамана̄, бхиккхаве, дева̄ та̄ватим̣са̄ тасмим̣ самайе хонти – ‘кут̣умалакаджа̄то да̄ни па̄риччхаттако ковил̣а̄ро начирассева да̄ни коракаджа̄то [кока̄сакаджа̄то (сӣ. сйа̄.), косакаджа̄то (ка.)] бхависсатӣ’’’ти.

‘‘йасмим̣, бхиккхаве, самайе дева̄нам̣ та̄ватим̣са̄нам̣ па̄риччхаттако ковил̣а̄ро коракаджа̄то хоти, аттамана̄, бхиккхаве, дева̄ та̄ватим̣са̄ тасмим̣ самайе хонти – ‘коракаджа̄то да̄ни па̄риччхаттако ковил̣а̄ро начирассева да̄ни саббапха̄липхулло [саббапа̄липхулло (сӣ. пӣ.)] бхависсатӣ’’’ти.

‘‘йасмим̣, бхиккхаве, самайе дева̄нам̣ та̄ватим̣са̄нам̣ па̄риччхаттако ковил̣а̄ро саббапха̄липхулло хоти, аттамана̄, бхиккхаве, дева̄ та̄ватим̣са̄ па̄риччхаттакасса ковил̣а̄расса мӯле диббе чатта̄ро ма̄се пан̃чахи ка̄магун̣ехи самаппита̄ саман̇гӣбхӯта̄ парича̄ренти.

‘‘саббапха̄липхулласса кхо пана, бхиккхаве, па̄риччхаттакасса ковил̣а̄расса саманта̄ пан̃н̃а̄сайоджана̄ни а̄бха̄йа пхут̣ам̣ хоти, анува̄там̣ йоджанасатам̣ гандхо гаччхати, айама̄нубха̄во па̄риччхаттакасса ковил̣а̄расса.

‘‘евамевам̣ кхо, бхиккхаве, йасмим̣ самайе арийаса̄вако ага̄расма̄ анага̄рийам̣ паббаджджа̄йа четети, пан̣д̣упала̄со, бхиккхаве, арийаса̄вако тасмим̣ самайе хоти дева̄нам̣ва та̄ватим̣са̄нам̣ па̄риччхаттако ковил̣а̄ро.

‘‘йасмим̣, бхиккхаве, самайе арийаса̄вако кесамассум̣ оха̄ретва̄ ка̄са̄йа̄ни ваттха̄ни аччха̄детва̄ ага̄расма̄ анага̄рийам̣ паббаджито хоти, паннапала̄со, бхиккхаве, арийаса̄вако тасмим̣ самайе хоти дева̄нам̣ва та̄ватим̣са̄нам̣ па̄риччхаттако ковил̣а̄ро.

‘‘йасмим̣, бхиккхаве, самайе арийаса̄вако вивиччева ка̄мехи…пе… пат̣хамам̣ джха̄нам̣ упасампаджджа вихарати, джа̄лакаджа̄то, бхиккхаве, арийаса̄вако тасмим̣ самайе хоти дева̄нам̣ва та̄ватим̣са̄нам̣ па̄риччхаттако ковил̣а̄ро.

‘‘йасмим̣, бхиккхаве, самайе арийаса̄вако витаккавича̄ра̄нам̣ вӯпасама̄…пе… дутийам̣ джха̄нам̣ упасампаджджа вихарати, кха̄ракаджа̄то, бхиккхаве, арийаса̄вако тасмим̣ самайе хоти дева̄нам̣ва та̄ватим̣са̄нам̣ па̄риччхаттако ковил̣а̄ро.

‘‘йасмим̣, бхиккхаве, самайе арийаса̄вако пӣтийа̄ ча вира̄га̄…пе… татийам̣ джха̄нам̣ упасампаджджа вихарати, кут̣умалакаджа̄то, бхиккхаве, арийаса̄вако тасмим̣ самайе хоти дева̄нам̣ва та̄ватим̣са̄нам̣ па̄риччхаттако ковил̣а̄ро.

‘‘йасмим̣, бхиккхаве, самайе арийаса̄вако сукхасса ча паха̄на̄ дуккхасса ча паха̄на̄…пе… чатуттхам̣ джха̄нам̣ упасампаджджа вихарати, коракаджа̄то, бхиккхаве, арийаса̄вако тасмим̣ самайе хоти дева̄нам̣ва та̄ватим̣са̄нам̣ па̄риччхаттако ковил̣а̄ро.

‘‘йасмим̣, бхиккхаве, самайе арийаса̄вако а̄сава̄нам̣ кхайа̄…пе… саччхикатва̄ упасампаджджа вихарати, саббапха̄липхулло, бхиккхаве, арийаса̄вако тасмим̣ самайе хоти дева̄нам̣ва та̄ватим̣са̄нам̣ па̄риччхаттако ковил̣а̄ро.

‘‘тасмим̣, бхиккхаве, самайе бхумма̄ дева̄ саддаманусса̄венти – ‘есо иттханна̄мо а̄йасма̄ иттханна̄масса а̄йасмато саддхивиха̄рико амукамха̄ га̄ма̄ ва̄ нигама̄ ва̄ ага̄расма̄ анага̄рийам̣ паббаджито а̄сава̄нам̣ кхайа̄ ана̄савам̣ четовимуттим̣ пан̃н̃а̄вимуттим̣ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаратӣ’ти. бхумма̄нам̣ дева̄нам̣ саддам̣ сутва̄ ча̄тумаха̄ра̄джика̄ дева̄…пе… та̄ватим̣са̄ дева̄… йа̄ма̄ дева̄… тусита̄ дева̄… нимма̄наратӣ дева̄… параниммитавасаваттӣ дева̄… брахмака̄йика̄ дева̄ саддаманусса̄венти – ‘есо иттханна̄мо а̄йасма̄ иттханна̄масса а̄йасмато саддхивиха̄рико амукамха̄ га̄ма̄ ва̄ нигама̄ ва̄ ага̄расма̄ анага̄рийам̣ паббаджито а̄сава̄нам̣ кхайа̄ ана̄савам̣ четовимуттим̣ пан̃н̃а̄вимуттим̣ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихаратӣ’ти. итиха тена кхан̣ена тена мухуттена йа̄ва брахмалока̄ саддо [са̄дхука̄расаддо (сӣ. ат̣т̣ха., ка. ат̣т̣ха.)] аббхуггаччхати, айама̄нубха̄во кхӣн̣а̄савасса бхиккхуно’’ти. пан̃чамам̣.