9. пат̣хамавасасуттам̣

40. ‘‘саттахи, бхиккхаве, дхаммехи саманна̄гато бхиккху читтам̣ васе [васам̣ (ка.)] ваттети, но ча бхиккху читтасса васена ваттати. катамехи саттахи? идха, бхиккхаве, бхиккху сама̄дхикусало хоти, сама̄дхисса сама̄паттикусало хоти, сама̄дхисса т̣хитикусало хоти, сама̄дхисса вут̣т̣ха̄накусало хоти, сама̄дхисса калйа̄н̣акусало хоти, сама̄дхисса гочаракусало хоти, сама̄дхисса абхинӣха̄ракусало хоти. имехи кхо, бхиккхаве, саттахи дхаммехи саманна̄гато бхиккху читтам̣ васе ваттети, но ча бхиккху читтасса васена ваттатӣ’’ти. навамам̣.