5. пат̣хамамиттасуттам̣

36. ‘‘саттахи, бхиккхаве, ан̇гехи саманна̄гато митто севитаббо. катамехи саттахи? дуддадам̣ дада̄ти, дуккарам̣ кароти, дуккхамам̣ кхамати, гуйхамасса [гуйхасса (ка.)] а̄ви кароти, гуйхамасса [гуйхам̣ асса (сӣ.), гуйхасса (ка.)] паригухати [паригӯхати (сӣ. сйа̄.), паригуйхати (ка.)], а̄пада̄су на джахати, кхӣн̣ена [кхӣн̣е (ка.)] на̄тиман̃н̃ати. имехи кхо, бхиккхаве, саттахи ан̇гехи саманна̄гато митто севитаббо’’ти.

‘‘дуддадам̣ дада̄ти митто, дуккаран̃ча̄пи куббати;

атхописса дурутта̄ни, кхамати дуккхама̄ни ча [дуккхама̄нипи (сӣ. сйа̄.)].

‘‘гуйхан̃ча тасса [гуйхамасса ча (сйа̄.)] аккха̄ти, гуйхасса паригӯхати;

а̄пада̄су на джаха̄ти, кхӣн̣ена на̄тиман̃н̃ати.

‘‘йамхи ета̄ни т̣ха̄на̄ни, сам̣виджджантӣдха [сам̣виджджанти ча (ка.)] пуггале;

со митто миттака̄мена, бхаджитаббо татха̄видхо’’ти. пан̃чамам̣;