6. боджджхан̇гасуттам̣

26. ‘‘сатта во, бхиккхаве, апариха̄нийе дхамме десесса̄ми. там̣ сун̣а̄тха, са̄дхукам̣ манаси каротха…пе… катаме ча, бхиккхаве, сатта апариха̄нийа̄ дхамма̄? йа̄вакӣван̃ча, бхиккхаве, бхиккхӯ сатисамбоджджхан̇гам̣ бха̄вессанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄ни.

‘‘йа̄вакӣван̃ча, бхиккхаве, бхиккхӯ дхаммавичайасамбоджджхан̇гам̣ бха̄вессанти…пе… вӣрийасамбоджджхан̇гам̣ бха̄вессанти… пӣтисамбоджджхан̇гам̣ бха̄вессанти… пассаддхисамбоджджхан̇гам̣ бха̄вессанти… сама̄дхисамбоджджхан̇гам̣ бха̄вессанти… упеккха̄самбоджджхан̇гам̣ бха̄вессанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄ни. ‘‘йа̄вакӣван̃ча, бхиккхаве, име сатта апариха̄нийа̄ дхамма̄ бхиккхӯсу т̣хассанти, имесу ча саттасу апариха̄нийесу дхаммесу бхиккхӯ сандиссиссанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄нӣ’’ти. чхат̣т̣хам̣.