7. сан̃н̃а̄суттам̣

27. ‘‘сатта во, бхиккхаве, апариха̄нийе дхамме десесса̄ми. там̣ сун̣а̄тха, са̄дхукам̣ манаси каротха…пе…. катаме ча, бхиккхаве, сатта апариха̄нийа̄ дхамма̄? йа̄вакӣван̃ча, бхиккхаве, бхиккхӯ аниччасан̃н̃ам̣ бха̄вессанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄ни.

‘‘йа̄вакӣван̃ча, бхиккхаве, бхиккхӯ анаттасан̃н̃ам̣ бха̄вессанти…пе… асубхасан̃н̃ам̣ бха̄вессанти… а̄дӣнавасан̃н̃ам̣ бха̄вессанти… паха̄насан̃н̃ам̣ бха̄вессанти… вира̄гасан̃н̃ам̣ бха̄вессанти… ниродхасан̃н̃ам̣ бха̄вессанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄ни. ‘‘йа̄вакӣван̃ча, бхиккхаве, име сатта апариха̄нийа̄ дхамма̄ бхиккхӯсу т̣хассанти, имесу ча саттасу апариха̄нийесу дхаммесу, бхиккхӯ сандиссиссанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄нӣ’’ти [дӣ. ни. 2.138]. саттамам̣.