5. татийасаттакасуттам̣

25. ‘‘сатта во, бхиккхаве, апариха̄нийе дхамме десесса̄ми. там̣ сун̣а̄тха, са̄дхукам̣ манаси каротха…пе… катаме ча, бхиккхаве, сатта апариха̄нийа̄ дхамма̄? йа̄вакӣван̃ча, бхиккхаве, бхиккхӯ саддха̄ бхависсанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄ни.

‘‘йа̄вакӣван̃ча, бхиккхаве, бхиккхӯ хириманто [хирӣма̄ (сӣ.), хиримана̄ (дӣ. ни. 2.138)] бхависсанти…пе… оттаппино [отта̄пӣно (сӣ.)] бхависсанти… бахуссута̄ бхависсанти… а̄раддхавӣрийа̄ бхависсанти… сатиманто бхависсанти… пан̃н̃аванто бхависсанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄ни. ‘‘йа̄вакӣван̃ча, бхиккхаве, име сатта апариха̄нийа̄ дхамма̄ бхиккхӯсу т̣хассанти, имесу ча саттасу апариха̄нийесу дхаммесу бхиккхӯ сандиссиссанти; вуддхийева, бхиккхаве, бхиккхӯнам̣ па̄т̣икан̇кха̄, но париха̄нӣ’’ти. пан̃чамам̣.