7. анаваттхитасуттам̣

102. ‘‘чха, бхиккхаве, а̄нисам̣се сампассама̄нена аламева бхиккхуна̄ саббасан̇кха̄ресу анодхим̣ каритва̄ аниччасан̃н̃ам̣ упат̣т̣ха̄петум̣. катаме чха? ‘саббасан̇кха̄ра̄ ча ме анаваттхита̄ [анават̣т̣хитато (сӣ. сйа̄. пӣ.)] кха̄йиссанти, саббалоке ча ме мано на̄бхирамиссати [на рамиссати (ка.)], саббалока̄ ча ме мано вут̣т̣хахиссати, нибба̄напон̣ан̃ча ме ма̄насам̣ бхависсати, сам̣йоджана̄ ча ме паха̄нам̣ гаччхиссанти [гаччханти (сйа̄. пӣ. ка.)], парамена ча са̄ман̃н̃ена саманна̄гато бхависса̄мӣ’ти. име кхо, бхиккхаве, чха а̄нисам̣се сампассама̄нена аламева бхиккхуна̄ саббасан̇кха̄ресу анодхим̣ каритва̄ аниччасан̃н̃ам̣ упат̣т̣ха̄пету’’нти. саттамам̣.