1. па̄тубха̄васуттам̣

96. ‘‘чханнам̣, бхиккхаве, па̄тубха̄во дуллабхо локасмим̣. катамесам̣ чханнам̣? татха̄гатасса арахато самма̄самбуддхасса па̄тубха̄во дуллабхо локасмим̣, татха̄гатаппаведитасса дхаммавинайасса десета̄ пуггало дуллабхо локасмим̣, арийа̄йатане пачча̄джа̄ти дуллабха̄ [пачча̄джа̄то дуллабхо (сйа̄.)] локасмим̣, индрийа̄нам̣ авекаллата̄ дуллабха̄ локасмим̣, аджал̣ата̄ анел̣амӯгата̄ дуллабха̄ локасмим̣, кусале дхамме чхандо [кусаладхаммаччхандо (сӣ. сйа̄. пӣ.)] дуллабхо локасмим̣. имесам̣ кхо, бхиккхаве, чханнам̣ па̄тубха̄во дуллабхо локасми’’нти. пат̣хамам̣.