9. аггадхаммасуттам̣

83. ‘‘чхахи, бхиккхаве, дхаммехи саманна̄гато бхиккху абхаббо аггам̣ дхаммам̣ арахаттам̣ саччхика̄тум̣. катамехи чхахи? идха, бхиккхаве, бхиккху ассаддхо хоти, ахирико хоти, аноттаппӣ хоти, кусӣто хоти, дуппан̃н̃о хоти, ка̄йе ча джӣвите ча са̄пеккхо хоти. имехи кхо, бхиккхаве, чхахи дхаммехи саманна̄гато бхиккху абхаббо аггам̣ дхаммам̣ арахаттам̣ саччхика̄тум̣.

‘‘чхахи, бхиккхаве, дхаммехи саманна̄гато бхиккху бхаббо аггам̣ дхаммам̣ арахаттам̣ саччхика̄тум̣. катамехи чхахи? идха, бхиккхаве, бхиккху саддхо хоти, хирима̄ хоти, оттаппӣ хоти, а̄раддхавӣрийо хоти, пан̃н̃ава̄ хоти, ка̄йе ча джӣвите ча анапеккхо хоти. имехи кхо, бхиккхаве, чхахи дхаммехи саманна̄гато бхиккху бхаббо аггам̣ дхаммам̣ арахаттам̣ саччхика̄ту’’нти. навамам̣.