6. махантаттасуттам̣

80. ‘‘чхахи, бхиккхаве, дхаммехи саманна̄гато бхиккху начирассева махантаттам̣ [махаттам̣ (сйа̄. кам̣.)] вепуллаттам̣ па̄пун̣а̄ти дхаммесу. катамехи чхахи? идха, бхиккхаве, бхиккху а̄локабахуло ча хоти йогабахуло ча ведабахуло ча асантут̣т̣хибахуло ча аниккхиттадхуро ча кусалесу дхаммесу уттари ча пата̄рети [пакароти (ка.)]. имехи кхо, бхиккхаве, чхахи дхаммехи саманна̄гато бхиккху начирассева махантаттам̣ вепуллаттам̣ па̄пун̣а̄ти дхаммесӯ’’ти. чхат̣т̣хам̣.