6. дутийасандит̣т̣хикасуттам̣

48. атха кхо ан̃н̃атаро бра̄хман̣о йена бхагава̄ тенупасан̇ками; упасан̇камитва̄ бхагавата̄ саддхим̣ саммоди. саммоданӣйам̣ катхам̣ са̄ран̣ӣйам̣ вӣтиса̄ретва̄ екамантам̣ нисӣди. екамантам̣ нисинно кхо со бра̄хман̣о бхагавантам̣ етадавоча – ‘‘‘сандит̣т̣хико дхаммо, сандит̣т̣хико дхаммо’ти, бхо готама, вуччати. китта̄вата̄ ну кхо, бхо готама, сандит̣т̣хико дхаммо хоти ака̄лико ехипассико опанеййико паччаттам̣ ведитаббо вин̃н̃ӯхӣ’’ти?

‘‘тена хи, бра̄хман̣а, тан̃н̃еветтха пат̣ипуччхисса̄ми. йатха̄ те кхамеййа татха̄ нам̣ бйа̄кареййа̄си. там̣ ким̣ ман̃н̃аси, бра̄хман̣а, сантам̣ ва̄ аджджхаттам̣ ра̄гам̣ ‘аттхи ме аджджхаттам̣ ра̄го’ти паджа̄на̄си, асантам̣ ва̄ аджджхаттам̣ ра̄гам̣ ‘наттхи ме аджджхаттам̣ ра̄го’ти паджа̄на̄сӣ’’ти? ‘‘евам̣, бхо’’. ‘‘йам̣ кхо твам̣, бра̄хман̣а, сантам̣ ва̄ аджджхаттам̣ ра̄гам̣ ‘аттхи ме аджджхаттам̣ ра̄го’ти паджа̄на̄си, асантам̣ ва̄ аджджхаттам̣ ра̄гам̣ ‘наттхи ме аджджхаттам̣ ра̄го’ти паджа̄на̄си – евампи кхо, бра̄хман̣а, сандит̣т̣хико дхаммо хоти…пе….

‘‘там̣ ким̣ ман̃н̃аси, бра̄хман̣а, сантам̣ ва̄ аджджхаттам̣ досам̣…пе… сантам̣ ва̄ аджджхаттам̣ мохам̣…пе… сантам̣ ва̄ аджджхаттам̣ ка̄йасандосам̣…пе… сантам̣ ва̄ аджджхаттам̣ вачӣсандосам̣…пе… сантам̣ ва̄ аджджхаттам̣ маносандосам̣ ‘аттхи ме аджджхаттам̣ маносандосо’ти паджа̄на̄си, асантам̣ ва̄ аджджхаттам̣ маносандосам̣ ‘наттхи ме аджджхаттам̣ маносандосо’ти паджа̄на̄сӣ’’ти? ‘‘евам̣, бхо’’. ‘‘йам̣ кхо твам̣, бра̄хман̣а, сантам̣ ва̄ аджджхаттам̣ маносандосам̣ ‘аттхи ме аджджхаттам̣ маносандосо’ти паджа̄на̄си, асантам̣ ва̄ аджджхаттам̣ маносандосам̣ ‘наттхи ме аджджхаттам̣ маносандосо’ти паджа̄на̄си – евам̣ кхо, бра̄хман̣а, сандит̣т̣хико дхаммо хоти ака̄лико ехипассико опанеййико паччаттам̣ ведитаббо вин̃н̃ӯхӣ’’ти.

‘‘абхиккантам̣, бхо готама, абхиккантам̣, бхо готама…пе… упа̄сакам̣ мам̣ бхавам̣ готамо дха̄рету аджджатагге па̄н̣упетам̣ саран̣ам̣ гата’’нти. чхат̣т̣хам̣.