5. пан̃хапуччха̄суттам̣

165. татра кхо а̄йасма̄ са̄рипутто бхиккхӯ а̄мантеси…пе… ‘‘йо хи кочи, а̄вусо, парам̣ пан̃хам̣ пуччхати, саббо со пан̃чахи т̣ха̄нехи, етесам̣ ва̄ ан̃н̃атарена. катамехи пан̃чахи? мандатта̄ момӯхатта̄ [момухатта̄ (сӣ.)] парам̣ пан̃хам̣ пуччхати, па̄пиччхо иччха̄пакато парам̣ пан̃хам̣ пуччхати, парибхавам̣ парам̣ пан̃хам̣ пуччхати, ан̃н̃а̄тука̄мо парам̣ пан̃хам̣ пуччхати, атха ва̄ паневам̣читто [атха ва̄ пакуппанто (сӣ. пӣ.)] парам̣ пан̃хам̣ пуччхати – ‘саче ме пан̃хам̣ пут̣т̣хо саммадева бйа̄кариссати иччетам̣ кусалам̣, но че [но ча (сйа̄.)] ме пан̃хам̣ пут̣т̣хо саммадева бйа̄кариссати ахамасса саммадева бйа̄карисса̄мӣ’ти. йо хи кочи, а̄вусо, парам̣ пан̃хам̣ пуччхати, саббо со имехи пан̃чахи т̣ха̄нехи, етесам̣ ва̄ ан̃н̃атарена. ахам̣ кхо пана̄вусо, евам̣читто парам̣ пан̃хам̣ пуччха̄ми – ‘саче ме пан̃хам̣ пут̣т̣хо саммадева бйа̄кариссати иччетам̣ кусалам̣, но че ме пан̃хам̣ пут̣т̣хо саммадева бйа̄кариссати, ахамасса саммадева бйа̄карисса̄мӣ’’ти. пан̃чамам̣.