3. дхаммара̄джа̄суттам̣

133. ‘‘йопи со [йопи кхо (сӣ. сйа̄. пӣ.)], бхиккхаве, ра̄джа̄ чаккаваттӣ дхаммико дхаммара̄джа̄, сопи на ара̄джакам̣ чаккам̣ ваттетӣ’’ти. евам̣ вутте ан̃н̃атаро бхиккху бхагавантам̣ етадавоча – ‘‘ко пана, бханте, ран̃н̃о чаккаваттисса дхаммикасса дхаммаран̃н̃о ра̄джа̄’’ти? ‘‘дхаммо, бхиккхӯ’’ти бхагава̄ авоча.

‘‘идха, бхиккху, ра̄джа̄ чаккаваттӣ дхаммико дхаммара̄джа̄ дхамман̃н̃ева нисса̄йа дхаммам̣ саккаронто дхаммам̣ гарум̣ каронто дхаммам̣ апача̄йама̄но дхаммаддхаджо дхаммакету дхамма̄дхипатеййо дхаммикам̣ раккха̄варан̣агуттим̣ сам̣видахати антоджанасмим̣.

‘‘пуна чапарам̣, бхиккху, ра̄джа̄ чаккаваттӣ дхаммико дхаммара̄джа̄ дхамман̃н̃ева нисса̄йа дхаммам̣ саккаронто дхаммам̣ гарум̣ каронто дхаммам̣ апача̄йама̄но дхаммаддхаджо дхаммакету дхамма̄дхипатеййо дхаммикам̣ раккха̄варан̣агуттим̣ сам̣видахати кхаттийесу ануйантесу [ануйуттесу (сӣ.) а. ни. 3.14] …пе… балака̄йасмим̣ бра̄хман̣агахапатикесу негамаджа̄нападесу саман̣абра̄хман̣есу мигапаккхӣсу. са кхо со, бхиккху, ра̄джа̄ чаккаваттӣ дхаммико дхаммара̄джа̄ дхамман̃н̃ева нисса̄йа дхаммам̣ саккаронто дхаммам̣ гарум̣ каронто дхаммам̣ апача̄йама̄но дхаммаддхаджо дхаммакету дхамма̄дхипатеййо дхаммикам̣ раккха̄варан̣агуттим̣ сам̣видахитва̄ антоджанасмим̣ дхаммикам̣ раккха̄варан̣агуттим̣ сам̣видахитва̄ кхаттийесу ануйантесу балака̄йасмим̣ бра̄хман̣агахапатикесу негамаджа̄нападесу саман̣абра̄хман̣есу мигапаккхӣсу дхамменева чаккам̣ паваттети; там̣ хоти чаккам̣ аппат̣иваттийам̣ кеначи мануссабхӯтена паччаттхикена па̄н̣ина̄.

‘‘евамевам̣ кхо, бхиккху, татха̄гато арахам̣ самма̄самбуддхо дхаммико дхаммара̄джа̄ дхамман̃н̃ева нисса̄йа дхаммам̣ саккаронто дхаммам̣ гарум̣ каронто дхаммам̣ апача̄йама̄но дхаммаддхаджо дхаммакету дхамма̄дхипатеййо дхаммикам̣ раккха̄варан̣агуттим̣ сам̣видахати бхиккхӯсу – ‘еварӯпам̣ ка̄йакаммам̣ севитаббам̣, еварӯпам̣ ка̄йакаммам̣ на севитаббам̣; еварӯпам̣ вачӣкаммам̣ севитаббам̣, еварӯпам̣ вачӣкаммам̣ на севитаббам̣; еварӯпам̣ манокаммам̣ севитаббам̣, еварӯпам̣ манокаммам̣ на севитаббам̣; еварӯпо а̄джӣво севитаббо, еварӯпо а̄джӣво на севитаббо; еварӯпо га̄манигамо севитаббо, еварӯпо га̄манигамо на севитаббо’ти.

‘‘пуна чапарам̣, бхиккху, татха̄гато арахам̣ самма̄самбуддхо дхаммико дхаммара̄джа̄ дхамман̃н̃ева нисса̄йа дхаммам̣ саккаронто дхаммам̣ гарум̣ каронто дхаммам̣ апача̄йама̄но дхаммаддхаджо дхаммакету дхамма̄дхипатеййо дхаммикам̣ раккха̄варан̣агуттим̣ сам̣видахати бхиккхунӣсу [бхиккхӯсу бхиккхунӣсу (сӣ. пӣ.)] …пе… упа̄сакесу…пе… упа̄сика̄су – ‘еварӯпам̣ ка̄йакаммам̣ севитаббам̣, еварӯпам̣ ка̄йакаммам̣ на севитаббам̣; еварӯпам̣ вачӣкаммам̣ севитаббам̣, еварӯпам̣ вачӣкаммам̣ на севитаббам̣; еварӯпам̣ манокаммам̣ севитаббам̣, еварӯпам̣ манокаммам̣ на севитаббам̣; еварӯпо а̄джӣво севитаббо, еварӯпо а̄джӣво на севитаббо; еварӯпо га̄манигамо севитаббо, еварӯпо га̄манигамо на севитаббо’’’ти.

‘‘са кхо со, бхиккху, татха̄гато арахам̣ самма̄самбуддхо дхаммико дхаммара̄джа̄ дхамман̃н̃ева нисса̄йа дхаммам̣ саккаронто дхаммам̣ гарум̣ каронто дхаммам̣ апача̄йама̄но дхаммаддхаджо дхаммакету дхамма̄дхипатеййо дхаммикам̣ раккха̄варан̣агуттим̣ сам̣видахитва̄ бхиккхӯсу, дхаммикам̣ раккха̄варан̣агуттим̣ сам̣видахитва̄ бхиккхунӣсу, дхаммикам̣ раккха̄варан̣агуттим̣ сам̣видахитва̄ упа̄сакесу, дхаммикам̣ раккха̄варан̣агуттим̣ сам̣видахитва̄ упа̄сика̄су дхамменева ануттарам̣ дхаммачаккам̣ паваттети; там̣ хоти чаккам̣ аппат̣иваттийам̣ саман̣ена ва̄ бра̄хман̣ена ва̄ девена ва̄ ма̄рена ва̄ брахмуна̄ ва̄ кеначи ва̄ локасми’’нти. татийам̣.