8. саман̣асукхасуттам̣

128. ‘‘пан̃чима̄ни, бхиккхаве, саман̣адуккха̄ни. катама̄ни пан̃ча? идха, бхиккхаве, бхиккху асантут̣т̣хо хоти итарӣтарена чӣварена, асантут̣т̣хо хоти итарӣтарена пин̣д̣апа̄тена, асантут̣т̣хо хоти итарӣтарена сена̄санена, асантут̣т̣хо хоти итарӣтарена гила̄наппаччайабхесаджджапариккха̄рена, анабхирато ча брахмачарийам̣ чарати. има̄ни кхо, бхиккхаве, пан̃ча саман̣адуккха̄ни.

‘‘пан̃чима̄ни, бхиккхаве, саман̣асукха̄ни. катама̄ни пан̃ча? идха, бхиккхаве, бхиккху сантут̣т̣хо хоти итарӣтарена чӣварена, сантут̣т̣хо хоти итарӣтарена пин̣д̣апа̄тена, сантут̣т̣хо хоти итарӣтарена сена̄санена, сантут̣т̣хо хоти итарӣтарена гила̄наппаччайабхесаджджапариккха̄рена, абхирато ча брахмачарийам̣ чарати. има̄ни кхо, бхиккхаве, пан̃ча саман̣асукха̄нӣ’’ти. ат̣т̣хамам̣.