2. паччха̄саман̣асуттам̣

112. ‘‘пан̃чахи, бхиккхаве, дхаммехи саманна̄гато паччха̄саман̣о на а̄да̄таббо. катамехи пан̃чахи? атидӯре ва̄ гаччхати ачча̄санне ва̄, на паттапарийа̄паннам̣ ган̣хати, а̄паттиса̄манта̄ бхан̣ама̄нам̣ на нива̄рети, бхан̣ама̄насса антарантара̄ катхам̣ опа̄тети, дуппан̃н̃о хоти джал̣о ел̣амӯго. имехи кхо, бхиккхаве, пан̃чахи дхаммехи саманна̄гато паччха̄саман̣о на а̄да̄таббо.

‘‘пан̃чахи, бхиккхаве, дхаммехи саманна̄гато паччха̄саман̣о а̄да̄таббо. катамехи пан̃чахи? на̄тидӯре гаччхати на ачча̄санне, паттапарийа̄паннам̣ ган̣хати, а̄паттиса̄манта̄ бхан̣ама̄нам̣ нива̄рети, бхан̣ама̄насса на антарантара̄ катхам̣ опа̄тети, пан̃н̃ава̄ хоти аджал̣о анел̣амӯго. имехи кхо, бхиккхаве, пан̃чахи дхаммехи саманна̄гато паччха̄саман̣о а̄да̄таббо’’ти. дутийам̣.