3. самма̄сама̄дхисуттам̣

113. ‘‘пан̃чахи, бхиккхаве, дхаммехи саманна̄гато бхиккху абхаббо самма̄сама̄дхим̣ упасампаджджа вихаритум̣. катамехи пан̃чахи? идха, бхиккхаве, бхиккху аккхамо хоти рӯпа̄нам̣, аккхамо садда̄нам̣, аккхамо гандха̄нам̣, аккхамо раса̄нам̣, аккхамо пхот̣т̣хабба̄нам̣. имехи кхо, бхиккхаве, пан̃чахи дхаммехи саманна̄гато бхиккху абхаббо самма̄сама̄дхим̣ упасампаджджа вихаритум̣.

‘‘пан̃чахи, бхиккхаве, дхаммехи саманна̄гато бхиккху бхаббо самма̄сама̄дхим̣ упасампаджджа вихаритум̣. катамехи пан̃чахи? идха, бхиккхаве, бхиккху кхамо хоти рӯпа̄нам̣, кхамо садда̄нам̣, кхамо гандха̄нам̣, кхамо раса̄нам̣, кхамо пхот̣т̣хабба̄нам̣. имехи кхо, бхиккхаве, пан̃чахи дхаммехи саманна̄гато бхиккху бхаббо самма̄сама̄дхим̣ упасампаджджа вихариту’’нти. татийам̣.